炯記手撕雞 (汝州街) (已結業)

-炯記手撕雞去鴨寮街買完野 係周圍行下搵野食醫肚行行下見到見個手撕雞好吸引 價錢又唔貴就入去試試啦坐低鋪頭入邊環境都唔錯 而且張檯唔會痴笠笠 衛生環境不錯餐牌上既選擇都唔少 最後我地兩個人揀左煙燻燒鵝撈麵，海蜇手撕雞腸粉 酸辣無骨鳳爪🤤落單後啲野食好快就黎齊 擺滿左成檯 好豐富特別係呢兩日天氣又濕又凍 見到兩碗超足料既老火湯可以暖下身真係100%滿足感煙燻燒鵝撈麵 （$62） 見到隻燒鵝脾就流晒口水睇個樣就知油香味十足食落口果然 啖啖肉 鵝皮燒到卜卜脆 好香好滋味另外一讚係個撈麵 麵身仲keep到好爽口 而且又唔會太咸 一口接一口 非常值得一試海蜇手撕雞腸粉 （$48）一碟有齊三款我想食既野 簡直係滿足哂三個願望呀 手撕雞可以揀鹽焗同麻辣 我地揀左鹽焗 咸咸香香好惹味 而且啲雞又唔會鞋口👍🏻海蜇有少少辣油同芝麻 調得唔錯 腸粉係平日街頭會食到個種 再加埋甜醬麻醬 都唔錯小食/ 酸辣無骨鳳爪 （$30）呢個好好味 平時鐘意食泰式鳳爪既一定唔可以錯過佢比平時泰式鳳爪再辣啲 但辣得黎又好爽就算我唔係好食得辣 食到流鼻水都要繼續食😂呢餐飯食到好飽 捧住個肚出門口我地另外仲叫左兩杯野飲 埋單都係