影片
更多
2020-06-16
244 瀏覽
#肥doi遊深水埗.終於比我地試到蘇媽蘇媽啦！上次去到太多人要我廿幾張枱無食到，今次我地6點去到唔洗等即刻有位，野食都黎得幾快，我地就好快食完，之後見到門口已經好多人等位～想食既就記得早少少去拎位！-《辣死你嗎配咖喱雞肉》$55椰漿飯配青瓜、蝦片、銀魚乾、花生等等材料。主菜既雞肉一啲都唔老幾嫩滑，個椰漿飯就無乜椰漿味，配埋啲辣醬食真係一流，唔食得好辣嘅人都食到！.《砂煲老鼠粉》$78入面有好多配料，例如豬肉碎、乾蔥、蝦米、窩蛋等等，啲老鼠粉似長條形既狗仔粉。本身就無乜味道，但係將全部配料撈埋黎食就十分正，啖啖都食到少少蒜香味，岩哂啲重口味既人士食，極力推介大家黎食既話一定要叫。.《椰香咖央多士》$26多士烘得好脆唔硬，中間夾住既咖央醬，味道好似三角形既椰子糖，用黎配多士好香好夾，極有馬拉特色！.《檳城香炸滷肉卷2件》$45食落有啲似芋頭糕mix腐皮卷，腐皮唔會太油膩仲好脆口，味道非常特別，唔建議點咁多辣醬，因為都比較辣。.《馬拉沙嗲串燒3串》 $45大家可以揀豬/牛/雞或全部各一。雞肉串燒無咩特別。牛肉就好易咬開，燒得唔會過老搞到好韌。豬肉個咬口有啲似食緊豬頸肉咁爽口。值得一讚既係超級
.
終於比我地試到蘇媽蘇媽啦！上次去到太多人要我廿幾張枱無食到，今次我地6點去到唔洗等即刻有位，野食都黎得幾快，我地就好快食完，之後見到門口已經好多人等位～想食既就記得早少少去拎位！
-
《辣死你嗎配咖喱雞肉》$55
椰漿飯配青瓜、蝦片、銀魚乾、花生等等材料。主菜既雞肉一啲都唔老幾嫩滑，個椰漿飯就無乜椰漿味，配埋啲辣醬食真係一流，唔食得好辣嘅人都食到！
.
《砂煲老鼠粉》$78
入面有好多配料，例如豬肉碎、乾蔥、蝦米、窩蛋等等，啲老鼠粉似長條形既狗仔粉。本身就無乜味道，但係將全部配料撈埋黎食就十分正，啖啖都食到少少蒜香味，岩哂啲重口味既人士食，極力推介大家黎食既話一定要叫。
.
《椰香咖央多士》$26
多士烘得好脆唔硬，中間夾住既咖央醬，味道好似三角形既椰子糖，用黎配多士好香好夾，極有馬拉特色！
.
《檳城香炸滷肉卷2件》$45
食落有啲似芋頭糕mix腐皮卷，腐皮唔會太油膩仲好脆口，味道非常特別，唔建議點咁多辣醬，因為都比較辣。
.
《馬拉沙嗲串燒3串》 $45
大家可以揀豬/牛/雞或全部各一。
雞肉串燒無咩特別。
牛肉就好易咬開，燒得唔會過老搞到好韌。
豬肉個咬口有啲似食緊豬頸肉咁爽口。
值得一讚既係超級多沙嗲汁，足夠沾滿成串串燒，有淨既汁仲可以拎黎點其他野食！
.
《馬來西亞奶茶（凍）》$18 (跟飯)
飲落同平時茶餐廳飲既凍奶茶唔大分別，但茶味無茶餐廳沖果啲咁厚，同埋飲落唔算太甜，好岩女士飲！
.
《檳城白咖啡（凍）》$18 (跟飯)
咖啡味濃，飲落味道幾濃，好似飲平時茶記咖啡，不過如果女士飲就要叫少甜！
-
👅味道：8.5/10
🍱賣相：8/10
🏠環境：7/10
店內座位唔多，坐落都幾逼，雖然係黃店，但係就無乜文宣，不過就好富馬來西亞既特色！
.
⭐️總評分：8/10
雖然最出名嘅肉骨茶我哋冇試，但係其他出名嘅飯麵同小食都試過唔錯，大家可以一試。不過蘇媽蘇媽太出名，成日都好多人排隊，想食嘅就要早啲去食，或者預早啲去排隊。
張貼
