上海飯店 (已結業)

深水埗好食既上海菜越黎越少，唯一可以係深水埗立足十幾廿年都未執既就得佢，以上海菜黎講，佢個價錢已經算唔差，加上多選擇，涼拌、小籠包、小菜、飯麵到甜品都一手包辦，其中小菜中最欣賞係佢既鎮江骨，自家製鎮江醋，酸甜適中，而且啲骨入哂味，另外甜品就有桂花酒釀丸子同豆沙窩餅，雖然同真正既酒釀有差別，因為真正既酒釀冇桂花，但加左桂花既酒釀比原來既更香更好食，而且丸子Q彈，一碗差不多兩人份，豆沙窩餅做得好好既係佢既外皮薄又脆，豆沙餡一啲都唔膩，而且唔會太甜，配茶吃一流。香港平又好食既餐廳所剩無幾，上海飯店絕對值得支持！