造咖 (已改名) 查看

係深水埗愈來愈多文青咖啡店, 亦都有幾間文青feel台灣小店, 呢間係大埔道專做外賣嘅台式小店「造咖」之前係youtube都睇過介紹, 今日專程去試下。小店以水泥灰, 白色調及木系裝潢, 推開門只見兩個座位, 鋪面唔大, 門外玻璃貼上簡約餐牌。 小店由老闆一人打理, 專賣台灣手工地瓜球, 台式香酥脆餅, 古早味粉漿蛋餅, 台式口味意粉, 仲有特別嘅台灣特式口味咖啡, 愛玉冷泡咖啡和冬瓜茶檸檬咖啡, 餐牌上的食品名都幾特別, 真係令我樣樣都想試呀!因一個人食又唔太餓, 今晚決定要個沙茶醬京蔥西椒炒意粉先, 再要多杯mocha – (set $92 + 轉咖啡奶茶 $5)呢個係即叫即整, 一打開盒, 煎過嘅虎蝦香氣撲鼻, 有三隻大虎蝦, 肉質爽口彈牙, 而且都幾大隻。意粉份量超多, 用西椒京蔥同沙茶醬炒過, 隔住個盒都已經聞到好香嘅沙茶醬味呀! 意粉軟硬適中, 意粉炒得乾身香口, 份量都幾多, 勁滿足呀! 飲品要咗凍Mocha, 佢個咖啡都高質超香濃, 有特濃咖啡嘅香濃味, 又有奶香滑, 仰有少量朱古力味, 樣樣都配合得幾好。呢間雖然舖仔細細, 但樣樣都係用心製作, 樣樣都係新鮮即整, 一