港泰泰國菜 (已結業)

深水埗深夜食堂。呢間位於深水埗的泰國餐廳，位置較偏僻，可能比較少人知道，開到好夜。平時晚上收工都12點幾有時都會特登系中環落深水埗食呢間泰國餐廳，岩曬比平時收夜又想食好野既人。價錢比其他泰國餐廳較平，但味道絕對吾會差。之前食過旺角好多間泰國餐廳，味道都系麻麻地。自從食過一次呢間之後，再食旺角泰國餐廳，就發現深水埗呢間完完全全吸引我。平時都有食開冬陰公湯（推介），但甘次無影到。只系叫左過香葉碎肉炒飯同馬拉盞炒通菜。香葉碎肉炒飯簡直回味無窮，小小辣得來又開胃一個人食兩碟都冇問題。馬拉盞通菜食落口感覺到好有鑊氣。之前食飯見到個廚師同樓面都係泰國人，所以好放心係呢度食飯，唔會驚食到伏野。