港泰泰國菜 (已結業)

放工胡亂開車，在石硤尾街停泊。無目標式搜索，希望找些地道小館試試特色晚餐，發掘新味道。經過此店門口，內裡傳出兩位女士談天聲音，每句結尾也是高音的泰語，想必由泰國人營運。看了餐牌簡單直接，便內進一試。店內四張長桌，面積狹小，安排座在門旁。望著對面唐樓現實主義建築，有種七八十年代香港懷舊感覺，是拍攝老式香港的地方，場面像港島旅客景點海景樓之輪廓。泰式豬肉濕炒河濕河粉是吃芡汁味道，制作沒難度可言。河粉落鑊輕炒上碟備用，然後加魚露蒜頭豉油糖炒豬肉雜菜埋芡即成。特點這裡用了中式甜麵豉，黃色一小粒一小粒的，吃落味道略甜。估計廚師泰北人也。海鮮冬蔭功河看賣相已知是重椰奶，碗上浮出一層層白漿。先喝一口，味道酸酸甜甜，漸漸辣味喉內溢出，感覺多重享受，集合鮮甜椰香辛辣。海鮮材料選用蝦肉兩隻，沒太大特點。總括說，地區泰式小店，沒驚喜沒賣點，亦不講究賣相，只提供正統泰國味道。

依間泰國菜館地點比較偏遠，唔近地鐵站，但都依然有好多棒場客，當晚座無虛席。舖頭細細，所以坐得有啲迫。因為份量都大，所以我們二人點了兩款食物:1. 香葉辣椒蝦炒飯足夠兩個人食，蝦夠大隻，新鮮彈牙，不過只得四隻，味道有少少辣，好開胃，令人回味。2. 牛串燒，雞串燒各三串，雞肉嫩滑，牛肉就有少少失望，比較韌，個沙爹醬可以濃味啲，個人口味，覺得加多啲花生會更好食。價錢方面，同一般泰國餐館差不多，大約$80一款食物。

撈檬是熱辣辣的， 啱啱煮熟， 更過分的是有一陣唔乾淨的味道。 肉是非常瘦，非常之柴的豬肉杯凍檸茶少甜少冰係一杯死甜的糖水希望有心經營者， 日後會改善對自己對客人多份尊重

深水埗午餐想吃泰國菜不是太多選擇，多做夜市。呢度係唯一選擇。今日食喇沙豬頸肉魚餅喇沙 (可選不同粉底） 單餸$50， 加多個餸加$5，包凍熱飲品。 喇沙就不是太正宗，偏向似冬陰功味，但冇冬陰功果種酸同冇禁辣。不時想食湯粉的選擇。魚餅好香荽菜味，不錯不錯；但對佢麵嘅豬頸肉冇煎過就有啲失望。 (平時跟飯會有煎）冬陰功湯金邊粉都推介，夠酸夠辣，好過癮。 朋友吃雙拼飯， (呢度豬頸肉，豬脾同海南鷄都好食，要撈埋佢自己整嘅汁）；平時食開煎蛋香葉肉碎餅走辣，惹味嘅肉碎撈半生熟蛋汁同白飯，一流😋😋😋飲奶茶同檸檬茶要少甜，因為偏甜；茶底同茶餐廳唔同，多左種香葉味。可接受。如果想食正宗嘅泰國菜同飲品，呢度未必係首選；但呢邊想過口癮，都可以一試。

Not going to fluff up this piece with anything and will just say this straight up that out of many Thai places I’ve tried in this neighborhood, this place delivers the best consistency. Besides the green papaya salad which has just the right balance of spiciness, lime, sugar and fish sauce (be sure to ask for extra peanuts), I would go for the boneless pork knuckle rice 90% of the time. Killer portion, great marination, tender meat and lots of collagen. The little tub of chili sauce on the side

位於深水埗元州街的一間泰國菜館，位置並不近地鐵站，貌似做街坊生意多，價錢較相宜。全店只有大概20個座位，周日晚上來到剛剛好滿座。龍眼冰和青檸梳打：吃泰菜必備的消暑飲料！泰式生菜包，豬肉碎混合洋蔥、莞茜等香料，辣度適中，好吃青木瓜絲沙律是我很喜歡的泰國菜之一！稍為辣了一點，但非常開胃！蟹肉炒飯：炒飯味道是不錯的，而且炒得乾身，但略嫌蟹肉份量太少，就只有蓋在炒飯面上的而已。蒜蓉包亦意外地挺有質素，上菜時熱辣辣，麵包外脆內軟！這裡的食物質素一點也不輸九龍城的泰國菜館！此外，我注意到店員是泰籍的，說不定大廚也是泰國人呢！

喜歡吃泰菜，酸辣特.泰國旅行，最重要的是瘋狂地吃地道泰菜去餐廳 有時候，為了遷就大家對飲食的喜好，也會叫大路野 炸野決定動手做泰式蝦餅。泰式蝦餅自己都不難做，卻要花一番功夫挑蝦腸及打蝦膠，但去到都係要叫個炸野每一啖都好食 似我自家製蝦餅，啖啖蝦肉，即炸即吃，好吃到要大叫，配一個泰式辣醬

野食係好食，分量充足，價錢都合理，鋪既環境舒服，同屋企人食過幾次真係唔錯。但侍應態度勁差，想要多兩對筷子做公筷，個待應就話我又無收你加一仲要洗多啲野要水個啲，你心情唔好都唔洗咁樣...我都係3個人要你三隻碗5對筷子（有兩對係公筷），我地又食足人頭餐同小食，難得同屋企人食飯仲要比人睇人面色，自問已經好有禮貌講哂唔該個啲，食到成肚氣我真係唔會再食，搞到成屋企人都唔係咁開心。如果無咩必要真係唔想再去食，侍應態度真係差。

之前朋友帶我來，一甫進餐廳，小小的一家，大約有五張4人枱，人多啲就拍枱坐。食物水準另我有驚喜，個蝦餅. 肉碎生菜包都令我回味。今晚，再帶咗4個朋友一齊來食好嘢。今次人多，叫咗以下食物：-冬蔭功(大): 5個人都分到2轉-小食拼盤：有蝦餅，魚餅，春卷，同埋好平凡但好好食嘅雞翼-飛天通菜-沙爹：建議要哂雞肉-黃咖哩什菜＋蒜蓉包-肉碎生菜包：同之前一樣好味，仲可以揀辣度-燒烏頭：無泥味-菠蘿炒飯-椰青，珍多冰，青檸梳打個侍應姨姨好好人，小店枱不大，不斷來清走食完嘅碗碟，又連忙加水最後一提，洗手間十分乾淨

今日去深水埗買野，但放咗工已經好肚餓，所以決定填飽個肚先去買野！隨意入咗呢間泰國菜，兩個人揀咗一個青咖哩雞，蒜茸包，生菜包。首先黎咗個生菜包，生菜都幾多下，肉碎都幾好，肥瘦適量，唔會太咸👍🏻，有少少辣跟住黎咗青咖哩雞，好香椰香味，但辣多啲啲就好啦。我地特登揀咗個蒜茸包可以點青咖哩食，但蒜茸包唔夠蒜呀！我單點咗杯龍眼冰，幾fresh ...唔會太甜👍🏻$20杯，都算平！朋友單點咗杯泰式青檸梳打，但好似係黃檸檬😂唔緊要，都ok 既！整體食物質素不過不失，勝在平👍🏻

呢間成日經過好多人，一直都想去試下，今日先生早收工就去會一會佢，哈哈但由於太好食，唔記得即時影相，唯有補影返啦～我地同埋小朋友去食，所以全部都要走辣同少冰。脆肉炒椰菜苗 - D肉唔會太鹹，好香口，D菜好新鮮，爽口，好好食肉碎生菜包 - 走辣之後都非常好食，D肉碎真係勁惹味！生菜好鮮甜，小朋友係咁勁食生菜，搞到唔夠包，哈哈芒果魚 - 呢個又係勁正，酸酸甜甜好醒胃，魚肉係起左出黎炸，好方便扎肉金邊粉 - 因為一黎已經分比小朋友食，影唔切，湯底濃郁珍多冰、龍眼冰 - 珍多冰糖漿未搞勻循，變左後尾有D淡其實仲有個生蝦刺身，但冇影到相……想叫芒果糯米飯但賣哂……整體黎講真係好有水準，但職員比較冷酷，同埋有唔多好嘅地方就係我地未食完，我帶小朋友去洗手間，出到黎先生話職員已經叫佢埋單，但其實我地仲想追加，跟住叫多個生蝦刺身，就再一次比錢，我地都唔敢再問有冇椰汁西米糕，因為比幾次錢怕人地覺得麻煩，但其實真係唔駛咁急要埋單，又唔係多人等位

深水埗深夜食堂。呢間位於深水埗的泰國餐廳，位置較偏僻，可能比較少人知道，開到好夜。平時晚上收工都12點幾有時都會特登系中環落深水埗食呢間泰國餐廳，岩曬比平時收夜又想食好野既人。價錢比其他泰國餐廳較平，但味道絕對吾會差。之前食過旺角好多間泰國餐廳，味道都系麻麻地。自從食過一次呢間之後，再食旺角泰國餐廳，就發現深水埗呢間完完全全吸引我。平時都有食開冬陰公湯（推介），但甘次無影到。只系叫左過香葉碎肉炒飯同馬拉盞炒通菜。香葉碎肉炒飯簡直回味無窮，小小辣得來又開胃一個人食兩碟都冇問題。馬拉盞通菜食落口感覺到好有鑊氣。之前食飯見到個廚師同樓面都係泰國人，所以好放心係呢度食飯，唔會驚食到伏野。

放假無聊，相約住係深水埗附近的友人出去搵食。天氣凍凍地，友人提議食個熱辣辣的的泰國菜，點知行到去先發覺平日食開個兩間都休息。另有近近地試下里間😜老實說可能每次行過里間舖頭都有目標，佢開左禁耐都未食過😅 每次食泰國菜我必定會叫鳳爪。里個鳳爪味道酸辣適中，可惜份量少左啲啲，一碟大概五六隻😭唔夠喉 生蝦都係必食的。啲蝦算厚肉同新鮮，但係唔夠凍🙄🙄係微冷，減分👎🏻 里到的燒豬勁肉夠乾身，同埋都好入味 老實說，佢地的食物分量偏細份，真係唔多飽。要加個辣肉碎炒河。河粉味道夠就夠，不過都有少少油。而且賣相真的好一般😅 見個肚重有位，叫多個串燒食。其實里碟係豬牛雞併，但是，味道上三種一模一樣，分唔出。而且啲紅肉我咬唔開，好多筋👎🏻👎🏻👎🏻👎🏻里個大家唔好浪費錢叫重飲左個東陰公，味道不過不失註：禁岩行過無心水可以一試，突登行去就唔使喇

無意中經過呢度，地方頗偏，門面亦唔吸引，不過都見左唔少人，就膽粗粗去試下。見到隔離枱的豬頸肉生菜包已經好吸引。菜式很正宗，價錢又夠街坊，食6隻生蝦刺身只係60蚊。雖然人手唔太多，但服務都好好，很有禮貌。最值得讚是上菜先後有序。

今日轉戰深水埗覓食泰菜—港泰泰國菜店內應該有24個座位，唔算寬敞，但感覺尚算舒適。餐牌上都係較普遍嘅泰國菜，價錢相對出面嚟講已經叫平價，但食物係要試過先知好定唔好！店內有個男人應該係泰國人，但佢同客人溝通唔到，只係識講泰文同少少英文，見佢都係麼負責傳菜多，但都幾有禮貌！負責落單嘅有另外一個女仔，一樣都好有禮貌，而佢係識講廣東話！知道要食泰國餐，其實一早諗好要食乜～生蝦、鳳爪沙律、馬拉盞炒椰菜苗、香葉肉碎飯、燒鰂魚。泰式生蝦$65/7隻呢個好抵食，出面普遍都要$80以上先有交易，依家$65仲有7隻，好抵食！生蝦size適中，唔算好大隻，但size都唔奀，肉質新鮮，係略嫌唔夠凍，所以唔夠彈牙。泰式辣醬味道都ok,就係唔夠辣，可以再辣啲就夠正宗，呢個辣度只能比較港式。馬拉盞炒椰菜苗味道適中，唔會太咸，亦唔辣，椰菜苗夠嫩，唔錯！泰式鳳爪沙律鳳爪同沙律比例啱啱好，鳳爪爽嫩，沙律吸晒泰式辣醬味道，愈食會愈辣。香葉肉碎飯肉碎炒得唔錯，唔會太乾，仲保存肉汁，微辣。只係嫌份量少左啲⋯燒鰂魚⋯漏單冇嚟到⋯$215食左買4個泰菜，仲有一罐可樂，其實算平，只係略嫌味道唔夠正宗，偏港式。