影片
更多
2009-04-24
7 瀏覽
今次已經係呢幾年第n咁多次去食佢ge任點任食(都唔算叫自助餐，因唔係自助)。我同老公6點幾去到，因為尚早的關系，只得一檯客，我地係第二檯。跟住七點左右陸續有人黎喇，大約都係得半場滿，可能因為平日，或者經濟不景吧！(以前平日都好滿架~~~)老闆娘依舊係度，但d員工同之前已經唔同喇，我地一去到，有一個類似"wet"妹ge waitress"指"左我地坐近門口，冷氣吹到正ge位，老公坐低覺得吹正怕我凍，要求換位，呢個waitress有少少黑面，話度度差唔多，不過都同我地換左...第一round落單，又係呢個女仔，我地諗住慢慢食，所以只叫左少少，佢答：「係咁多，無架拿！？」嘩！咩態度呀！？不過跟住果幾round落單已唔見呢個女仔，咁就算啦~~~野食選擇真係好多，一定食唔晒ge，燒雞沙律、鴨胸沙律，鮮蝦沙律，都好好味，八爪魚沙律，淡左d，麻麻地，仲有幾種我地無叫到。頭盤，大部份我地都叫晒，田螺肉，翡翠螺，好鮮味，我地再ancore，唔似話下面d網友話有沙喎，我諗佢地應該食埋d內臟吧！？生牛肉，燒凍什瓜，好正，好清新，今次第一次食，下次會再叫。鵝肝醬鮮茄蒜蓉飽，好味。鴨胸圈，較多油，比較"漏"，下
我同老公6點幾去到，因為尚早的關系，只得一檯客，我地係第二檯。跟住七點左右陸續有人黎喇，大約都係得半場滿，可能因為平日，或者經濟不景吧！(以前平日都好滿架~~~)
老闆娘依舊係度，但d員工同之前已經唔同喇，我地一去到，有一個類似"wet"妹ge waitress"指"左我地坐近門口，冷氣吹到正ge位，老公坐低覺得吹正怕我凍，要求換位，呢個waitress有少少黑面，話度度差唔多，不過都同我地換左...
第一round落單，又係呢個女仔，我地諗住慢慢食，所以只叫左少少，佢答：「係咁多，無架拿！？」嘩！咩態度呀！？
不過跟住果幾round落單已唔見呢個女仔，咁就算啦~~~
野食選擇真係好多，一定食唔晒ge，燒雞沙律、鴨胸沙律，鮮蝦沙律，都好好味，八爪魚沙律，淡左d，麻麻地，仲有幾種我地無叫到。
頭盤，大部份我地都叫晒，田螺肉，翡翠螺，好鮮味，我地再ancore，唔似話下面d網友話有沙喎，我諗佢地應該食埋d內臟吧！？生牛肉，燒凍什瓜，好正，好清新，今次第一次食，下次會再叫。鵝肝醬鮮茄蒜蓉飽，好味。鴨胸圈，較多油，比較"漏"，下次唔會叫。吉列蝦，其實都算ok，但on diet 左好耐，無食炸野好耐，一食返就唔係幾慣。炸芝士我記得之前食過，尚可，但今次無叫。瑞士芝士拼盤，唔會叫，以前食過，多種芝士一碟，雖然份量好少，但都令我同老公有種有排捱ge感覺。其他頭盤我地都試過晒，OK啦~
餐湯：意大利雜菜湯 / 是日廚師湯 (今日廚師湯係粟米忌廉湯)，因為我同老公都係鍾意紅湯，所以叫左雜菜湯。但係，失望囉，好淡，唔夠濃，以前呢度d湯係好好味，會再encore 架，點知今次.....
熱盤：有多種意粉/天使麵/蛋麵之類同兩款意大利飯，咁今次叫意大利飯試下，因之前無試過，由於我之前食的意大利飯好好味，所以都有d期望，點知.... 生米.....唉！味道仲唔係咁好 (有鮮茄牛肚意大利飯同什菌意大利飯，我原先諗住叫鮮茄，但老公叫左什菌)好在意大利飯好細碟，一人兩啖都食左佢。我地記得d意粉兩人份都好大碟，上次唔知仲叫左兩款，賴晒野，哈哈哈，但見d意大利飯咁細碟，咪再叫返意粉囉，以為改左細份量，點知，又賴野！一樣同以前咁大碟！我諗因為意大利米貴，所以意大利飯細碟d卦！？我地叫果個銀魚仔菠菜闊意粉，Oh no~~同我地 expect 係兩樣野，我地以為係綠色果種菠菜意粉，原來佢係普通意粉，搞爛d菠菜同銀魚仔撈落意粉度....... d 味道怪怪的，仲有沙，我地每人分左兩小碟，都仲食剩，唯一一樣野無清碟.....我記得之前墨魚汁麵好好味，老公話下次要食返仲有多種，我地個肚無位試喇仲有記得意粉叫一人份量好喇，可以試多d野麻
主菜：有羊脾、雞、鴨、牛、豬仔肉、立魚、龍、牛。我地仲記得以前有肉眼扒架，但今次無左.... 我地叫左羊脾，好羊味，正！薄燒牛，OK！立魚，好味，牛，好爽脆！豬仔肉，普通！牛尾，正！我地有ancore，但佢無黎到我地無追，因為已經飽了)
最後，仲有每人一客甜品，有Tiramisu，木糠布丁，奶凍。我地兩個都叫左 Tiramisu，但係，已經無以前咁好食lu，以前整得好好食架。老公話，我整得好食過佢！
提提大家，第一round通常都係按人頭一人一件，你ancore時想要多d才叫她俾多d，因為怕浪費啊！
還有，同以前一樣，食咁多野唔會幫你換碟，呢樣應該要改善下，咁多年都無變.....
講埋個廁所，雖然乾淨，但係細到轉唔到身，我已經唔係肥，都覺得逼到呢~~~~無計啦，村屋改建，地方淺窄.....
得閒無野做，駕開車都會再黎~~~
張貼