咩記打邊爐

又有識食好朋友帶路
而家打個邊爐都唔簡單
食材極之新鮮味美
未食完都已經約定要再戰多幾次

⭐️ 鴛鴦鍋：卜卜蜆濃湯鍋 / 雞湯鍋
湯底揀左卜卜蜆濃湯鍋同雞湯鍋
卜卜蜆湯入面有皮蛋同芫荽湯
沙白蜆超大隻
湯底濃郁鮮甜

雞湯鍋入面有烏雞、桂元肉等等
滋補又養生

⭐️超甜沙白
⭐️桂花蚌
⭐️鮑魚

朋友話海鮮一定要試
因為係餐廳每日去魚欄新鮮入貨，不時不食
每款都新鮮飽滿
咬落都勁爽口彈牙
特別係配埋蜆湯底一齊煮
鮮味層層疊加你都咪話唔正🤭

⭐️炸魚皮
火鍋前菜淘小姐一定唔會錯過酥脆炸魚皮
蘸住湯汁食
一啖脆一啖鮮
配啤酒就一流👍🏻

⭐️水蓮菜
⭐️油麥菜
水蓮菜喺香港比較少有
見到有就即嗌
因為嗰種爽脆口感無菜能及
油麥菜都超新鮮

⭐️至尊羊肉拼盤
⭐️挑骨雪花牛
今晚嘅重頭戲——至尊羊肉拼盤
羊肉片圍住個爐一圈排得整整齊齊
一上枱已經超有氣勢
下面仲有煙霧瀰漫嘅乾冰
視覺上勁之震撼

拼盤有四種唔同部位
加埋都有百幾片
店員建議由淡至濃味以逆時針方向品嚐
羔羊肉->羊上腦->後腿肉->高鈣

肉質鮮嫩無羶味
坦白講桃小姐都未試過咁高質嘅羊肉
薄薄一片食完再食食唔停架

而高鈣呢個部份係最得意
啖啖肉中又帶點軟骨嘅口感
難怪佢叫做高鈣😆

而挑骨雪花牛
油花平均、肉質鮮嫩
落鍋輕輕一涮就入口即溶
肉香香濃撲鼻

⭐️招牌經典烤羊肉串
⭐️豬黃喉串
⭐️雞脆骨串
咩記打邊爐除咗海鮮新鮮、羊肉盤拼盤好震撼
另外一個賣點就係佢哋有即烤串燒食
第一次食豬黃喉串
係真係豬嘅喉嚨部份
好似軟骨咁樣非常爽口
面頭嘅辣醬就有啲辣

而烤羊肉串同埋雞軟骨串就好有蒙古風味
真係好正

⭐️少爺大大支啤酒
⭐️鳳凰美田愛山 150ml
食物太好味嘅關係
我哋都嗌咗好幾支啤酒
佢哋說得超冰凍
一邊打住邊爐一邊飲就超爽

飲飲吓我哋都唔夠喉
請店員推介清酒
因為朋友們都喜歡較甜嘅口味
所以就決定直接攻頂
揀左鳳凰美田愛山清酒
果然冇介紹錯
果香濃郁層次豐富
配羊肉火鍋係十分之match！

成場邊爐由頭到尾都好滿足
鍾意食羊肉嘅你一定要bookmark定！