錦盛套餐 $788
套餐一共11道菜，由頭盤到甜品都誠意十足，食得好飽！
✦前菜
炙燒鏗魚，微微的煙燻香氣，配上柚子醋汁更開胃。
✦斑馬瀨尿蝦
真係超大隻，啖啖肉，爆曬膏，好鮮甜😋
✦大蝦
蝦身爽彈，鮮味濃郁，配上蝦膏醬汁，味道更出色！蝦頭煎至香脆，yummy~
✦甘鯛配南瓜海膽汁
甘鯛肉質細膩，魚鱗又脆又香，配上南瓜海膽汁，甜香與鮮味交織，令人回味！
✦和牛
油花分佈均勻，入口即化，可以配上芥末、海鹽及炸蒜片一齊食，好好味😋
✦北寄貝
貝肉厚實，鮮甜度高，輕輕煎香後更添口感！
✦鵝肝青蘋果多士
鵝肝非常肥美，青蘋果酸甜清新，配上香脆的多士，口感豐富，真係十分邪惡🤤
✦香蒜牛薄燒｜炒雜菜
牛肉薄切但不失肉味，配上濃郁的蒜香，口感豐富。炒雜菜，可以中和一下肉類的油膩感～
✦高菜炒飯｜魚湯
炒得乾身不油膩，高菜鹹香提升整體層次，蛋香味濃！魚湯要趁熱飲，清甜鮮美，作為尾段暖胃之選，非常合適。
✦焦糖多士｜雲呢拿雪糕
多士焦香酥脆，結束完美的一餐。
整體而言，晚市錦盛套餐，性價比高，加上消費滿$1500，就送一隻流心斑馬瀨尿蝦，抵呀！
