影片
更多
2023-07-31
166 瀏覽
之前去過荃灣分店，覺得食物好高質素，有特色，連唔鍾意素食嘅朋友都覺得好好食，所以特意帶家人一試。由於港島區冇分店，揀算係最近嘅黃埔，但都要轉幾次車，不過覺得都好值得。點知今次嘅經驗完全不似預期，同荃灣完全不一樣。首先餐牌冇荃灣食過嘅意大利飯，都唔緊要，諗住其他都好好食，但落左單等左十幾分鐘，連餐具和餐配嘅茶都冇送上，侍應話冇我地嘅落單紀錄，唔係卦！重新落單，都算好快起到菜，但碗飯完全唔熱，面頭甚至係凍凍地，我地有長者，所以已經唔係咁好，其他餸嘅味道都同荃灣店有啲唔同,冇咁好味，不過都唔緊要，始終點嘅野有啲唔同。最差嘅經驗係，舖寫收10點，8點45分就拖地，一大桶拖地水在隔離，消毒藥水直攻！完全冇諗過客人未食完飯，而且仲有好幾枱客，有冇將心比己？一路食入口，聞嘅係消毒藥水味！就算你唔係收10點，係9點半或9點，哩個就係你嘅營業時間，客人走後關門你先清潔好合理，否則，你應該將營業時間縮短，提早關門。都有啲茶餐廳係咁，臨收工未關門就拖地，好大陣漂白水味，但你唔係茶餐廳，我對你地有期望，價錢亦唔係茶餐廳價。最唔開心係，滿心歡喜帶屋企人黎，卻令佢地覺得不似預期，消毒藥水令佢地最後想反胃，坐多陣傾
點知今次嘅經驗完全不似預期，同荃灣完全不一樣。
首先餐牌冇荃灣食過嘅意大利飯，都唔緊要，諗住其他都好好食，但落左單等左十幾分鐘，連餐具和餐配嘅茶都冇送上，侍應話冇我地嘅落單紀錄，唔係卦！
重新落單，都算好快起到菜，但碗飯完全唔熱，面頭甚至係凍凍地，我地有長者，所以已經唔係咁好，其他餸嘅味道都同荃灣店有啲唔同,冇咁好味，不過都唔緊要，始終點嘅野有啲唔同。
最差嘅經驗係，舖寫收10點，8點45分就拖地，一大桶拖地水在隔離，消毒藥水直攻！完全冇諗過客人未食完飯，而且仲有好幾枱客，有冇將心比己？一路食入口，聞嘅係消毒藥水味！
就算你唔係收10點，係9點半或9點，哩個就係你嘅營業時間，客人走後關門你先清潔好合理，否則，你應該將營業時間縮短，提早關門。
都有啲茶餐廳係咁，臨收工未關門就拖地，好大陣漂白水味，但你唔係茶餐廳，我對你地有期望，價錢亦唔係茶餐廳價。
最唔開心係，滿心歡喜帶屋企人黎，卻令佢地覺得不似預期，消毒藥水令佢地最後想反胃，坐多陣傾計都唔想，立即埋單走。
張貼