瀧赤料理 (已結業)

新開小店，黑色門口感覺型格神秘,半開放式廚房配合店內裝潢簡約潔淨整體感覺舒適。進店時間晚上10點，同時還有3枱客人剛到。大約等了10分鐘order嘅食物都逐一送到。先來三文魚腩刺身及北海道海膽手卷，三文魚腩夠肥美多油、海膽亦新鮮甜美。 再來自家制玉子壽司，我係一個厚燒玉子愛好者所以對這份玉子不夠厚確實有點失望！但味道係好味嘅,唔係連鎖店嗰啲甜蛋。 豚肉蕎麥麵，清淡醬油湯底好味但有點不夠熱，配菜係冬菇比較少見，豚肉厚薄適中亦夠入味。 最後築前煮，這小菜確實較少在日本料理會食到，新鮮雞肉、蒟蒻、荷蘭豆、紅蘿蔔都煮得入味，我認為可以配個白飯做簡單晚餐。小店只有3個師傅同時兼顧鋪面工作但服務尚算不錯, 坐下不久就逢上熱茶同餐牌還會叮囑茶熱要小心。其間亦觀察到師傅喺廚房用心擺放刺身拼盤，希望小店可以保持熱誠。