一鍋豐 (已結業)

今日去朋友行開旺角就想試下附近有冇其他野食，朋友一眼就睇中左一鍋豐。湯底。我地就叫左汕頭沙嗲湯，沙嗲味唔會好重，好啱淥海鮮，唔會遮左海鮮本身嘅鮮味。刺身。三文魚、希靈魚、虎蝦、鮑片、八爪魚等等有成8款可以揀。三文魚係厚切，希靈魚入口粒粒卜卜脆，虎蝦就好大隻，刺身類性價比好高。海鮮拼盆。生蠔、鮑魚、扇貝、翡翠螺同大蜆。生蠔好大隻脹卜卜，鮑魚淥完都無話好縮水，入口都仲好有咬口。最欣賞佢啲貝殼類，全部都無沙好鮮甜。美國牛肩肉眼。牛肉唔會切得好簿，淥幾秒就食得，入口好重牛味，無乜雪藏味。脆肉鯇。我打邊爐必叫嘅係脆肉鯇！呢到嘅脆肉鯇好新鮮，同平時自己係街市買到嘅分別唔大。淥完入口好爽脆彈牙！。海蝦。海蝦大大隻，仲見到有膏！！食落好鮮甜，啲肉唔霉。