潮福蒸氣火鍋 (已結業)

今日出城去深水埗買電腦野，行去好耐，買完野已經係晚飯時間，同行友人突然想食火鍋，所以即刻打開OpenRice搜索，本人非常害怕去深水埗，因為通常食市冇乾淨廁所，不過出奇的是潮福蒸氣火鍋有非常乾淨及香味的廁所，加分不小！ 店家服務生服務態度非常好，值得一讚👍🏻潮福蒸氣火鍋 $198 包海鮮盤 （加拿大𧐢、蝦、龍躉、帶子、鮑魚、蟹），安格期牛肉好食，脆皮乳鴿外脆內軟，正！ 絶對冇呃人，貨真價實，非常新鮮，自選任食料都有好多選擇，好食～食飽飽之後，我再睇下其他Set餐，蒸器海鮮餐，價錢非常抵，有4、6、8、12人Set餐，下次一定約多啲朋友嚟潮福聚會！