影片
更多
2021-10-15
158 瀏覽
食左好多次海鮮袋，今日試吓佢其他嘢食，結果小小中伏。Seafood platter - 種類係ok嘅，帶子、八爪魚、生蠔、牡丹蝦、三文魚每樣有啲。帶子冇腥味、生蠔爽脆，都唔錯。伏嘅有三文魚，腥味較重。更伏嘅係蝦，大係好夠大，為何唔挑去蝦腸呢？一口咬進去係甜味，一嚼就出事，都唔少沙。明白完整成隻上的重要性，但如果站係食客角度諗多一步會更好。🤔鵝肝多士 - 一上已大叫伏，唔係煎嘅，而係炸嘅，雖然入口幾滑（相當油），但咀嚼間覺得有一粒粒嘅東西，唔肯定係砂糖還是麵包糠🙈白酒煮青口 - 賣相靚靚仔仔，以為滿心歡喜，點知咸過鹵味，特別係個汁，味道太重，蓋過青口嘅鮮味。Nachos - 店員好細心提示我地簡嘅辣牛肉醬係辣嘅，呢個值得加分。講番食物，蕃茄粒香草碎欠奉，洋蔥碎落得唔夠，牛油果醬太稀，希望廚房係「汁」同「醬」嘅處理上多下點功夫。Ink risotto - 是晚最滿意的菜，意大利飯米芯未全熟有咬口，時間火候控制得好好，個墨汁厚度適中，剛好掛滿所有米飯，咸度都正常。雖然食物唔太滿意，但服務有禮勤快。結語係，下次黎都係食海鮮袋好了！
Seafood platter - 種類係ok嘅，帶子、八爪魚、生蠔、牡丹蝦、三文魚每樣有啲。帶子冇腥味、生蠔爽脆，都唔錯。伏嘅有三文魚，腥味較重。更伏嘅係蝦，大係好夠大，為何唔挑去蝦腸呢？一口咬進去係甜味，一嚼就出事，都唔少沙。明白完整成隻上的重要性，但如果站係食客角度諗多一步會更好。🤔
鵝肝多士 - 一上已大叫伏，唔係煎嘅，而係炸嘅，雖然入口幾滑（相當油），但咀嚼間覺得有一粒粒嘅東西，唔肯定係砂糖還是麵包糠🙈
白酒煮青口 - 賣相靚靚仔仔，以為滿心歡喜，點知咸過鹵味，特別係個汁，味道太重，蓋過青口嘅鮮味。
Nachos - 店員好細心提示我地簡嘅辣牛肉醬係辣嘅，呢個值得加分。講番食物，蕃茄粒香草碎欠奉，洋蔥碎落得唔夠，牛油果醬太稀，希望廚房係「汁」同「醬」嘅處理上多下點功夫。
Ink risotto - 是晚最滿意的菜，意大利飯米芯未全熟有咬口，時間火候控制得好好，個墨汁厚度適中，剛好掛滿所有米飯，咸度都正常。
雖然食物唔太滿意，但服務有禮勤快。結語係，下次黎都係食海鮮袋好了！
張貼