Mr. Crab by The Captain's House (已結業)

上次去咗尖沙咀嘅Captain's House食shake shake海鮮食過翻尋味，今次就去到另一間位於灣仔嘅Mr Crab by Captain House再試下。呢度樓高2層，有啲海洋世界嘅裝飾🌊上層門口位置有一排魚缸養住啲海鮮，仲見到廚師拎住隻跳跳紮嘅龍蝦去煮🦞🤣好生猛咁。呢度有4人同2人套餐，今次叫咗個2人套餐，有招牌shake shake海鮮袋，前菜同主菜，仲有2杯house wine添，好豐富。Seafood Combo (Baby Octopus, Squid, Mussel, Lemon Pepper Sauce)除咗呢幾款海鮮之外，仲有蝦、翡翠螺、蜆、蟹腳等可以揀。地店員幫你shake完，將海鮮湯醬汁撈勻之後就食得喇。魷魚同八爪魚仔食落新鮮彈牙，3款海鮮份量都好多，仲有腸仔、粟米、薯仔，配味道溫和嘅醬汁食都幾夾，仲好飽添😛😛Deep Fried Chicken Wings (Buffalo Sauce)前菜叫咗經典嘅buffalo wings，雞翼被醬汁均勻包裹住，惹味但唔算好辣，比較容易入口，點埋側邊帶淡淡芝士香味嘅醬汁食都幾正😗Crab Past & Crab