岩鹽日本料理 (利舞臺廣場) (已結業)

朋友鍾意四圍搵好嘢食，今次佢帶我去试呢間位於利舞台嘅岩鹽日本料理。果然好介紹有水準，令人有驚喜大滿足。厚厚嘅餐牌：有刺身、軍艦/創意卷物、火炙壽司、一品料理、炸物 、串燒/燒物、釜飯同甜品等...食物款式選擇多。餐廳有空間感，大部分以梳化為主，坐得舒適。晚餐時段好早已爆滿。芝士玉子燒厚厚嘅玉子燒，軟綿綿中充滿蛋香味而且很嫩滑，中間嘅半融芝士切開時可以拉出芝士絲，兩者味道非常夾！木魚高湯浸翡翠苗簡單一個鍋用溫火熱著，最頂嘅木魚不停舞動，好有活力！高湯夠味又唔會太濃太咸, 翡翠苗嫩口清新外，雜菌也入味。溫泉蛋蟹肉胡麻豆腐沙律海藻爽口，蟹肉鮮甜，魚籽脆卜卜，豆腐滑一滑，配上胡麻汁同溫泉蛋，帶出濃郁芝麻香及嫩滑蛋香味，有種惹味開胃感 !!!!北海道海鮮釜飯主角出場啦！上菜時附上一個沙漏，等到沙漏漏完了，可以打開個蓋享用！揭開木蓋，嘩！係一個鋪滿三文魚、鰻魚、海膽、帶子、魚籽、蟹肉嘅海鮮釜飯。除了海鮮外，仲有鬆軟嘅栗子，青豆同甘甜嘅菇菇。將特制醬汁加入釜飯攪拌時，已飄來陣陣海鮮及醬汁香味。急不及待要吃一口，米飯盡吸海鮮及醬汁味，香氣十足，吃起來煙韌有嚼勁，各種海鮮更令層次感增加。美味又熱烘烘嘅北