一番風味 (已結業)

之前同朋友試過四人海鮮套餐覺得好抵食，今次帶媽媽兩個人食唔到個超抵海鮮餐，就試下其他海鮮菜式。避風塘炒蟹 $288首先試下避風塘炸蒜，好香好有獲氣，小辣已經好夠辣味。店員細心問我地食唔食得辣，好彩叫左小辣。肉蟹係大size，蟹鉗好大隻，冇縮水，肉質鮮甜。有蟹膏，媽媽二話不說食曬d 蟹膏。落左好多薑同䈡加埋炸蒜十分惹味。黃金蝦 $108賣相好吸引，有八隻蝦。金黃色好多咸蛋黃，上菜時一陣南乳味？食落都有陣味，但係又唔係南乳味。蝦好新鮮彈牙，算幾大隻，最感動係蝦已經碌左殼，成隻脆皮黃金蝦啖啖肉！有幾隻蝦頭仲有膏，好香濃，切勿錯過蝦頭。蒜茸粉絲蒸扇貝 $96/2隻有炸蒜同生蒜一齊蒸，扇貝起左肉切開蝴蝶形，粉絲墊底，略覺扇貝熟左少少，蒜蓉粉絲味道很好。支裝青島 $24冇曬嘉士伯，夠凍，食避風塘蟹一定要隊啤。加埋一$568，媽媽滿意嘅晚飯，不錯。