蟹仙海鮮蒸碢大公館

營業中

休息中

同朋友慶祝生日，大家都中意食海鮮揀左呢間餐廳。點左一個$400幾蚊嘅餐包左海蝦，帶子，青口，鮑魚，蠔，蜆，澳洲龍蝦半隻同兩款蟹各半隻。全部都係生猛活海鮮。我最欣賞係隻青口，老實講未食過咁新鮮咁大隻嘅活青口。蠔就相對細，係我覺得當中最唔好食嘅。全程有專人幫你蒸，仲好細心講解每款海鮮特色同來原地，我好欣賞佢哋嘅熱情，佢哋會提醒你唔好點豉油食保持原汁原味。對於on diet 嘅我係絕對perfect嘅優質加好食嘅蛋白質選擇。我個人比較建議女仔食呢個純海洋餐，因為加碼叫埋有肉嘅餐，雞牛豬肉同丸嘅質素就一般。唔夠食不如加多啲海鮮最後會蒸蔬菜同埋吸曬海鮮汁嘅粥作結，我就skip左碗粥但朋友個個都食左兩碗，相信好好食。