一鍋瘋 (已結業)

對於我呢個海鮮控又去左一鍋瘋食一人一鍋粥底海鮮火鍋。每位$188有10款海鮮，另外火鍋配料每份$12，湯底有5種選擇包括粟米，甘荀，椰子，紫薯和菠菜。一人一鍋選紫薯湯底，未見外面有又幾特別。10款海鮮拼盆$188一位包括菲律賓肉蟹，泰國海中蝦，大連鮑魚，陽光生蠔，大連貴妃蚌，韓國北極貝，本地鮮魚片，紐西蘭黃刀貝，越南蕃蜆和日本白蜆。泰國海中蝦大大隻又爽陣鮮甜。日本白蜆肉質飽滿又冇沙。韓國北極貝好鮮甜。大連貴妃蚌大大隻好新鮮。大連鮑魚好彈牙又鮮甜。菲律賓肉蟹有少少蟹，肉質結實肉又肥美美味可口。全部海鮮都好新鮮。再加三種配菜豆卜，雲吞，牛丸。到最後食完打邊爐就加南瓜粒和芋頭粒去煮一陣，之後再加煮去煮變到非常鮮甜美味可口。