28
2
0
港鐵油麻地站 A1 出口, 步行約4分鐘 繼續閱讀
所有分店 (2)
電話號碼
27772030
營業時間
今日營業
17:00 - 01:00
星期一至日
17:00 - 01:00
付款方式
Visa Master 現金 銀聯 支付寶
座位數目
63
其他資料
網上訂座
Wi-Fi
VIP房
電話訂座
賞訂座積分
加一服務費
電視播放
當面支付
有關獎賞計劃
食評 (30)
等級4 2018-02-05
658 瀏覽
近日網上介紹呢間海鮮粥底火鍋~4款湯底粟米,椰子,甘筍,紫薯(仲有新推出既菠菜)都以蔬菜煮成,湯底創新且非常健康~走進餐廳就聞到好香紫薯/椰子味,有兩層上面有間VIP房,平面檯上已裝上電子爐,方便清理又省位。下層有一排吧檯位,可坐5人,每人對正有一個獨立電視,絕對是電視汁撈飯,正呀!!!沙律前菜不馬虎,新鮮既3-4種菜,青瓜,蕃茄仔,芝麻醬也撈均沙律!!👍🏼店員細心介紹食法~自選配料每人可選3款我地既紫薯同菠菜湯底~先食海鮮盤,蟹,貴妃蚌,蜆,花甲,鮑魚,海蝦,全部非常新鮮很鮮甜呀!!所有蜆貝一開殻我就會撈上來食,這個食法是最能保存它們的鮮嫩度才食到海水鮮甜肉汁~海蝦有蝦膏呀~肉質爽口彈牙,蝦頭有膏香我就放返落鍋慢慢熬,一人一鍋的好處呀,哈哈鮑魚應爽得爽應淋滑得淋滑!蘸一點醬油更顯鮮味!!蟹蓋有蟹膏呀~~~太吸引了~仲有蟹身與蟹鉗一絲絲鮮甜既肉~食完海鮮盤就會送上蔬菜盤(已配有幾款菜,一口丸,兩款餃,豚肉)與自選的料,份量好多呀!豚肉,肥牛好肥,入口味濃又嫩滑,一點也不柴口!午餐肉厚切有豬肉絲!!紫薯湯底能帶出食物鮮甜味又不會影響食物既味道!好特別菠菜湯底唔會有肥膩感覺,非常健康,我覺得呢個湯底將會是最受歡迎的。最後會加入南瓜同芋頭粒,再加入飯不停的攪,大約幾分鐘就食得架喇~所有海鮮肉類精華熬成粥,紫色有淡淡紫薯味,感覺好像坊間一包包的紫薯粥,不同的是沒有那麼甜同埋有海鮮肉類既味道,好美味!綠色的菠菜粥~好岩少食蔬菜既人呀,豐富纖維,非常健康又美味既火鍋,超滿足~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-30
496 瀏覽
今個星期天氣凍冰冰,打邊爐正是最佳選擇!這是繼通菜街後,另一家分店,新開業不久。按照餐牌上的指示,就可以吃到最佳的風味啦!另外,還有數十款自選配料任君選擇。我要的是紫薯,朋友點的是新口味 - 菠菜,顏色就鮮,但呷了一口,味道卻是淡淡的,店員說愈煮就會愈濃。有沙律菜開開胃先。海鮮拼盤有鮑魚、貴妃蚌、花甲、蟹、海蝦和蜆,這裡是二人份量,非常豐富!嘩!太誇張了!蟹膏橙黃色,多到流出來,絕不欺場!蟹膏口感較實,非常甘香,而且肉質鮮甜,值得一試。貴妃蚌好彈牙。抵讚的是,整個海鮮拼盤都好新鮮,其實只要海鮮夠新鮮,即使簡單灼一灼,已經很鮮美。另外,鮑魚擦洗得一乾二淨,清除所有內臟,同時已預先將肉離殻,方便食用。套餐還包一個迷你拼盤、美國豚肉、蘿蔔、粟米、雞脾菇,另外還有自選配料,我們點的是牛丸、蒿筍、肥牛、雲吞、包心芝士丸及響鈴。美國豚肉涮完後,肉質頗有咬口,個人覺得比肥牛更高質素。至於丸類方面,質素都令人滿意。唯響鈴不夠香脆。吃完所有火鍋配料後,壓軸出場的就是南瓜粒、芋頭粒及粥底啦!店員會先幫忙將南瓜粒及芋頭粒加入湯底,煮至軟腍了,隨即加入粥底。粥底吸收所有精華後,綿滑鮮甜,幾飽都忍不口一口接一口。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-29
81 瀏覽
一直都很想來這家店打火鍋!聞說有紫薯、粟米和椰子鍋底吸引得不得了!終於決定帶屋企人來一嘗!印象最深刻的是紫薯和菠菜湯底!愛好椰子的人應該也會相當滿意椰子味的湯底,因為吃起來真的很入味、很滋潤!紫薯,期間限定-菠菜迷你拼盤(4款小丸子及2款一口餃),美國豚肉,時蔬(蘿蔔,雞脾菇,娃娃菜,粟米)分量來說真的非常夠,反而覺得娃娃菜可以更多!喜歡雞髀菇和粟米!海鮮盤6款即劏海鮮蜆花甲蚌鮑魚蝦蟹扇貝最喜歡這裏吃火鍋的其中一個原因就是每一件海鮮都有時間指示,你根本不用花太多精神去檢查海鮮熟了沒有,自己簡單計時就可以吃到充滿鮮味的海鮮!然後還有鮮美一流的湯底!最後,服務員為我們添了一些南瓜粒,芋頭粒,再為我們添了粥,加入紫薯鍋底!精華通通通跑岀來,超濃郁我要給一百分!❤️ 特別愛吃玉子豆腐,鯪魚滑和響鈴!海膽丸也蠻有驚喜的!熱騰騰的汁通通爆出來!蟹粉包自家製 竹庶茅根 $48/渣$198/位 繼續閱讀
(以上食評乃用戶個人意見 , 並不代表OpenRice之觀點。)
見到介紹有一大盤新鮮海鮮打邊爐好吸引,除左海鮮仲有唔同既配料可以揀,見到都好似好多野食,最後仲可以食埋粥,於是就去試一試。行經門口已經見到有兩大盤Sample放左係度,真係幾大盤,新張開業期間原來只係$198一個人,如果真係足料又幾抵食。牆身設計左好多海鮮圖案,有魚有蟹好有色彩,有卡位坐得舒服啲,不過去到已經無哂坐係中間就有少少迫喇。有哂食法俾你睇,每樣海鮮話哂你知大約要等幾耐就食得,咁你跟番個時間就唔會恰到過哂龍喇。叫完之後當然就要先混醬,豉油都走唔甩係辣椒蒜同蔥,之後仲會送上麻醬沙律做前菜。揀左椰子同菠菜湯底,菠菜湯底黎到成個都係綠色,飲落比較淡身,椰子真係聞到超清香,飲落椰子味都幾香濃。一黎到真係大大盤,張台都差啲放唔落,入面總共有六款海鲜,有鮑魚花甲海蝦蜆貴妃蚌同成隻蟹,下面放上好多冰保鮮。寫好哂每款要煮幾耐咁就跟住做喇,見到啲蜆身都好乾淨,就咁淥兩至三分鐘就食得,入面乾淨無沙都唔錯,細細粒但係每粒都幾飽滿。花甲就大大隻,都係十分乾淨,呢樣真係好欣賞,試過有啲見到個樣都已經覺得好污漕,淥到打開口就食得,入面都係好大隻夠抵食。愈食愈大隻去到貴妃蚌,見個樣都好靚,食落仲係覺得啖啖肉好鮮味。鮑魚好細心起埋殻,就咁放成舊落去又乾淨又唔駛曬時間整走個殼,等幾分鐘又有得食,都無咩點大縮水好新鮮。海蝦真係好新鮮,見到人地介紹既仲識跳,雖然我呢個唔識不過見到都唔會好老,食落口唔會梅身。最後到大大隻蟹喇,整完之後陣間煮粥就夠哂味,入面都好多肉,如果你想既可以留起少少陣間煮埋變蟹粥。食完海鮮仲有丸喇餃子喇菜喇同豚肉拼盤,仲可以每人揀多三款配抖,有豚肉再自己加左牛肉,摺埋左整開都幾大塊。當然唔少得最愛既午餐肉同埋響鈴,不過放埋一齊個響鈴濕左水就淋左,午餐肉就一定好食架喇。仲有墨魚滑,好多款丸同餃子,食完之後已經覺得飽肚,加埋仲有娃娃菜跟唔止食肉仲有菜清下。最後仲加埋南瓜芋頭粒同粥一齊食,混埋椰子同海鮮真係幾清香,不過湯頭淨番太多就落粥,如果少啲湯先加埋食感覺更好。店名:一鍋瘋地址:旺角砵蘭街139號地下餐牌: 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-09
467 瀏覽
有時打得邊爐多,都想試下啲新野,早幾年都開始流行粥底火鍋,有兩間幾有名嘅我地都試過,而且都幾鐘意,覺得價錢唔貴,又食到海鮮,只可惜而家愈黎愈難訂位,加上分時段入座,有時比較難預時間,都有一陣子冇去幫襯。其實粥底火鍋、打邊爐自己喺屋企整都得,不過通常我地兩口子,又要買又整又要洗,真係十分之麻煩,圍番條數亦可能唔平。而且人少,買料都唔方便,出街食分分鐘仲划算。當然啦,自己買料點都靚啲新鮮啲,不過最近試左呢間都可以餐廳位於砵蘭街,本來見過啲照片,店面唔算好大,近日天氣凍,可能火鍋較受歡迎,都怕冇位,去到先知原來佢地有兩層,哈哈,位置唔算話好多,但都未至於太逼。2層樓底唔算高,不過食完都唔會好大陣味,抽風做得不錯。裝潢簡約,有卡位,上層以細枱為主,電爐係崁入式,比較安全。唯一如果有部電視機仔有啲聲聽下更好,好似我地老夫老妻有時唔係話太多話題都想電視汁送飯。餐牌供應粥底火鍋,一個價錢,定價$198/位,1)首先自選粥底:粟米、甘荀、紫薯、椰子;2)六款時令海鮮;3)五款精選配料;4)三款自選配料。揀完粥底、配料,店員就好快送上沙律、醬油。粥底方面我地揀左粟米、椰子,其實兩個粥底味道差唔多,見過有啲人話粥底淡,個人認為淡係正常的,如果一開頭俾個打邊爐湯底你,你再淥完野食,到最後個粥底應該會鹹到唔食得,所以佢地兩款粥水都只係有好清淡嘅味道。不過點椰子要留意,因為到最後收乾水,食粥時會食到好明顯嘅椰絲口感,唔係個個鐘意。六款時令海鮮/2人份:今日有一隻蟹、蝦四隻、鮑魚兩隻、貴妃蚌、花甲、沙白,都幾豐富,一般粥底火鍋都係呢幾款海鮮,蝦、蟹基本上好必需,否則粥水冇鮮味。一上枱,成個海鮮盤都幾有份量我地急急腳影完相就開始食,約莫兩個粥底,都分別落啲海鮮。呢幾款都好易預時間,蟹約十分鐘,蝦、蜆類見到轉色、開殼就食得,鮑魚就真係要留意住,怕耐左會韌。蟹唔算好大隻,幾好肉地,一人半邊,唯獨如果多啲膏會更好,因為到時粥膽會更加鮮甜。蝦雖然唔係生嘅,但都食得出非常新鮮,肉質彈牙。貴妃蚌清得幾乾淨,可以輕鬆原粒食,味道鮮甜至於花甲都層於花甲王,一人兩隻,吐沙乾淨,肉質飽滿。沙白整體都可以,唔會太細粒,但個別有兩粒有沙,可能店家要再多加留意。鮑魚已去腸,咁淥嘅時候唔好放個殼,又會容易熟啲,又唔怕個殼污糟囉。五款精選配料/2人份:有美國黑豚肉、迷你拼盤(入面有啲魚蛋、墨丸、餃等各兩粒)、蘿蔔、粟米、雞脾菇、娃娃菜,呢個拼盤係餐廳預備的,入面都係人頭份量,唔會好多,但夠食。黑豚肉有三片,都係卷起左,其實幾大塊的,冰感略重,但唔會太肥膩。丸類餃類size細粒,質素正常。至於蘿蔔、粟米、雞脾菇全部都似切成薄片,方便煮熟,因為個係一人爐,太大舊都會阻住。蘿蔔好快熟,粟米鮮甜,不過兩人份都係等如半條。六款自選配料/2人份:本來係每人三款,因為我地有兩個人,所以就可以揀六款。咁我地揀左肥牛、雞脾肉、雲吞、芝心丸等,質素都不俗,當然同散點嘅火鍋店質素唔同,畢竟呢度收費唔高,但性價比都不錯。食到差唔多尾聲,店員會幫我地加少少南瓜、芋頭粒,令粥底更加鮮甜。然後佢再加入粥膽,大約兩大匙更。咁佢提示我地等粥底滾起就可以食得。粥底因為滲入海鮮鮮味,加上其他配料例如肉類、菜嘅味道,都會幾好食,粥夠綿,份量不少,食哂都好滿足。餐牌: 繼續閱讀
(以上食評乃用戶個人意見 , 並不代表OpenRice之觀點。)