壹蠔

一開始比個價錢吸引咗，見到佢全部餐平均都係$50、$60 ，又見到佢本身有買急凍海鮮，咁啲食材應該唔會太差掛。
坐低叫咗個大蝦煙三文魚茄汁意粉，一嚟到見到隻蝦大大隻，啲意粉又炒得好香，點知一食落去啲蝦好梅。
蝦頭又勁污糟，一食就知超級唔新鮮。
雖然平，但都唔應該差到咁掛，係唔食得個喎。
之前試過食咗唔新鮮嘅蝦，會出鳳蘭，而家都勁驚，下次應該唔會幫襯啦。
不過如果大家想食平，又炒得香嘅意粉都可以考慮吓嘅。不過我覺得海鮮呢啲真係一分錢一分貨。