壹蠔

落到鋪面冇人招呼！算自己搵位坐！坐低舉手想落單，跟住個靚仔就走埋嚟啲語氣好差問食乜！咁我諗住食個鰻魚飯再加蠔，冇一個鰻魚飯啦，唔該跟住順手問佢今日有蠔？點知佢就同我講去返門口落單。心諗你唔係同我落緊單咩？個腦即時浮現100個黑人問號。跟住佢又問我鰻魚飯飲乜嘢。我真係冇睇餐牌，諗住見到啲人話鰻魚飯好食就過去！我就問佢咁有咩飲，他奶奶的竟然答我餐牌有寫！我心諗問你有問題咩？咁我就同佢講算我唔食，呢啲咁嘅態度真係俾錢買難受，真係祝佢生意興隆！…查看更多

$58珍寶帶子刺身飯，附贈熱飲一杯刺身算新鮮，帶子乗北寄貝都很鮮甜，這裡的北寄貝比較好咬，不會有咬不開的情況。兩隻大蝦也很肥美，蝦膏好味。他們的刺身不是太冰，可能是提早解凍了？檸檬茶挺不錯，茶的比例很合我口味，有些地方的檸茶真是超級澀。服務方面，因為是店員只有兩個人的小店，所以算不上甚麼服務。樓面的店員比較高冷，但是聊了幾句發現人還是挺nice的。店內環境雖小，不過椅子坐得舒服，也不會太窄，還算不錯吧。…查看更多

自問已經過咗嚟食好多次，見到有其他人話覺得呢度嘅服務態度好差，個人認為佢哋店舖勁細得幾張枱，員工只得一個，所以要俾少少耐性，亦都可能要等員工去解答你嘅問題同幫你落單。我每次都會問吓店員最近有咩好推介，佢都會按我嘅要求去介紹幾款，例如我比較鍾意Creamy嘅生蠔，佢就會推介我當時有嘅新鮮到港，日本生蠔，今次都唔例外，揀親嘅都係日本蠔，有啲非常之Creamy，有啲就普普通通。 啲生蠔要有海水嘅就有海水味，有啲如果你想熄金屬味濃啲嘅都有，如果想食Kimmie嘅一定係揀日本蠔。唔同size既生蠔佢都有供應，我揀親嘅都係N0,隻隻都成隻手掌咁大隻，每次食都好滿足，雖然環境唔係話好grand,但係我主要都係想品嚐生蠔，比起去一啲環境好好嘅餐廳，但係要俾好貴去食一隻生蠔，我覺得喺呢度食比較抵仲可以食到好多款唔同種類既生蠔。之後我每次想食生蠔都會過嚟呢度食都好推介，大家一定要去試下！…查看更多

店員服務態度完全係垃圾，真係不知所謂! 好似我欠左佢地甘！ 其實甘唔想做做乜要開門？ D 態度衰到冇人有，我只係係佢哋度買外賣，唔知堂食係唔係一樣甘衰呢，不過睇佢哋應該都係架啦。 …查看更多

由揀餐到送餐到餐桌都要受氣. 已經冇咩客仲巴之閉. 問佢餐飲有咩揀. 阿姐話茶餐廳果d.... 哦. 問下有咩飲都有罪… 咁唔志在. 生意好呀， 永冇下次…………………………….…查看更多

屋企人想食生蠔，岩好見到間食蠔既就去試下，坐低先食原來刺身要買完俾佢地解凍要加10蚊（每盒計）我拿咗幾盒，之後等到陣啲刺身就上台，食咗一件，有冰😔，之後我同佢地講，啲刺身有冰，可唔可以再幫我解凍下，（甲）系咁家，一路有佢講冇我講，得冇就冇，你唔洗再講啦，你再講我就發脾氣啦，（乙）之後我同另一個同事講，如果其他未解凍既，我唔要啦，（甲）開始發癲，尼啲我先賺你幾蚊，佢一路講，之後我家人話，你地之後未上枱既，全部都唔要，（甲）食啲幾拾蚊就系度講，銅鑼灣果啲都唔止啦，我話我食唔起咩？總結尼個地方我一定唔會再去…查看更多

啱啱放工同男朋友去東廣場食飯🥰見到呢間未試過就try 下🌟🥳 幾surprised 三文魚刺身細盒好肥美 超級抵食🌟價錢仲要超平（$60）好大份 下次會再買❤️🔥另外食左佢個大蝦意粉🌟😍 都唔錯性價比高🔥…查看更多

有次路過賣急凍食品的店舖, 看到他們有設堂食, 就來一試。餐牌內的食品大多數都是用以鋪內有售的貨品稍微加工而成, 如果在購買前想知品質如何, 也可從餐牌上找出對應的食品先試一番。這次我只點了鰻魚飯, 點餐後等了好一會才送上,。原條鰻魚放在珍珠米上中間放了切丁豆角和少量生菜, 並澆上鰻魚汁。這也是最平凡的鰻魚飯出品, 基本上產品沒變壞味道不會太差。可是在吃這鰻魚時發現非常多細骨, 大大影響進食時的體驗, 有些餐廳在出售鰻魚食品時會預先把最多骨的部位先除掉以免影響口感。配菜也只是輕輕的灼過就放上了, 大部份家庭都會做的飯。他們明顯是以出售急凍食品為主, 期望食物有質素的確是強人所難。整個用餐體驗唯一令我不滿的並不是出品問題, 用餐過後想請求店員提供紙巾抹嘴, 結果他們回應一句"好"後就沒了一回事。等了良久的我打算結帳, 正當離開座位時又聽到店員對他的同事說:"那位客人要紙巾", 可是他看到要離座的我最後也沒有遞上那”珍貴的”紙巾, 只有目送我離開。食物而言不算太出色, 服務更是因為最後的小插曲而大打折扣。而對於不是以堂食為主打的店舖不應抱有什麼期望。…查看更多

好抵食既生蠔同刺身！生蠔有隻手掌咁大，基本上係一啖咬吾哂，仲要好鮮甜，都只係38蚊一隻！帶子都好厚好大隻，又係好鮮甜！抵食過好多西餐廳！食生蠔就應該黎呢啲地方食！…查看更多

一開始比個價錢吸引咗，見到佢全部餐平均都係$50、$60 ，又見到佢本身有買急凍海鮮，咁啲食材應該唔會太差掛。坐低叫咗個大蝦煙三文魚茄汁意粉，一嚟到見到隻蝦大大隻，啲意粉又炒得好香，點知一食落去啲蝦好梅。蝦頭又勁污糟，一食就知超級唔新鮮。雖然平，但都唔應該差到咁掛，係唔食得個喎。之前試過食咗唔新鮮嘅蝦，會出鳳蘭，而家都勁驚，下次應該唔會幫襯啦。不過如果大家想食平，又炒得香嘅意粉都可以考慮吓嘅。不過我覺得海鮮呢啲真係一分錢一分貨。…查看更多

我哋幾個同事經常去呢間Oyster One 食午餐，真係好新鮮！好好味！😋😋呢間個，B餐：珍寶帶子刺身套餐：$58送：熱飲☕️真心講淨刺身，人哋俾仔你珍寶刺身L碼，阿根廷蝦2只，北寄貝L碼：3件，有蟹籽，黃蘿蔔仲送熱飲。☕️官塘區去邊度搵！都明白同行如敵國，評語寫咁長！成個打手。😂😂😂但係依家飲食業咁難做。真係要多點包容！香港飲食業加油！💪💪💪😊😊…查看更多

見佢地晚飯有85折覺得都幾忯食，聽到路人行過話幾好食，覺得可以試一試先，不過見到落單員個樣好唔開心，心諗試一試當俾個鼓勵，點知！唉！刺身帶子飯折左50蚊加飲品，但都好失望下，個飯唔係壽司飯，無加壽司醋😭。似屋企白飯 加 解凍左架刺身，成個飯仲要係室溫😳，當返到屋企打開個盒果1刻 都幾大魚腥味，心理上 有少少唔敢食，到準備好 芥末 醬油 鼓起勇氣食，同出面平時食架刺身飯 好大分別。 成個刺身飯 帶子有少少甜 但始終比唔上出面， 蝦完全食唔到甜品，食落唔腥 但打開盒果剎那 真係有啲怕啲腥味，北寄貝 甜 爽👍，3塊酸蘿蔔ok la。不過真係有啲失望，如果50蚊個刺身飯，我寧願食熱飯，湯粉麵，可能會滿足啲。佢地價錢唔算貴，不過食1次夠了。🤣而之前試過佢地啲生蠔都幾好食，其他就😅。…查看更多

態度奇差問有咩好款介紹以嘲弄態度問：咁你想點介紹？我：會唔會有啲款式係甜啲金屬味重d佢： 即係你想要金屬味重啲？我： 想要甜啲易啲入口佢： 咁即係甜啲啦我： 麻煩你介紹吓佢： 102呀態度差不特止亦都冇介紹過唔同嘅款式淨係叫你俾錢冇提到會有幾多隻，同有邊一種款新一年新開始幾好食嘅號都唔會返番轉頭完全唔明點解又食評話佢哋態度好好我自己就唔該前唔該後嘅佢有落單到收錢嗰一刻一句唔該都冇如果唔係媽咪想食我都唔會受氣去買…查看更多

🌎Oyster One壹蠔(觀塘)經常幫襯既鋪頭 平時食生蠔🦪都黎呢間食 佢地鋪頭雖然細細間 但種類繁多 大家可以問店員你想食咩口味既生蠔 佢地好細心介紹架 而我最鍾意食Gillardeau，另外仲有刺身 酒類飲品架 我地可以堂食or 外賣▫️法國生蠔 Gillardeau :蠔肉肥美香甜且帶淡淡的榛果香，蠔味不會過分爆發，是帶有細膩和層次。味道：海水味重，鮮甜質地：肉質肥厚，口感爽脆鮮甜且結實有彈性產地：法國▫️法國藍寶石蠔(SPECIAL Roland LAMBERT:肉蠔質肥美結實，嘗出細膩充滿層次，散發清新甜味，在口中緩緩出的礦物質風味令人驚歎。味道：含礦物味 ,鮮甜質地：肉質結實產地：法國小貼士：晚上好多人食 好難有位置堂食人均消費：$100環境衛生：7/10推介指數：8.8/10📍觀塘成業街7號東廣場地下G11號舖…查看更多

今日晏晝搵唔到嘢食 經過呢度本來諗住食鰻魚飯 點知比我見到隔離枱食緊意粉好似好好食 就睇吓有乜咁巴閉煙三文魚帶子意粉 58$煙三文魚同帶子都好好食 帶子肉質肥美豐滿 雖然得一隻但係都好大隻 煙三文魚佢浸煙熏味特別大 比普通超市買嗰啲好食 再來主角意粉 呢個意粉佢落咗好多忌廉 不過都食得出有啲鹹芝士嘅味 不過真係太多忌廉 通常唔識煮意粉嘅先落咁多忌廉 不過亞洲人同稱白汁 頭幾啖食落去都不錯 可能因為肚餓 有少少芝士嘅鹹味 不過越食越感覺上太多忌廉 都幾唔健康 如果平時有食開深奧啲嘅意粉 呢個就唔推薦你嚟食 因為呢個係人都識整 不過佢啲配料真係好唔錯 仲有凍飲+2$ 凍檸茶 冇乜嘢講…查看更多