虎鐵鐵板燒

營業中

休息中

今日同朋友食餐好 慶祝佢轉新工 所以嚟咗呢間openrice好多人推介嘅鐵板燒度食lunch我哋叫咗個二人龍蝦餐 首先嚟咗個沙律同鴨肝蒸蛋沙律菜新鮮之餘有酸酸甜甜嘅柚子汁 好開胃鴨肝蒸蛋冇諗過D蛋可以咁滑 仲吸曬鴨肝嘅精華 令人回味燒白貝 白貝好新鮮鮮甜 我連啲汁都飲埋曬 哈海膽汁龍蝦 龍蝦肉一樣新鮮鮮甜 彈牙爽口 配埋海膽汁個味好夾好好味薄燒和牛 牛味濃 唔會有渣 加上有好多蒜蓉味 食落好香口 另外嗰餐仲配埋炒飯同味噌湯最後仲有雪糕添食到好飽飽之餘 除番開其實每個人五百蚊鬆啲 價錢都算ok 而且要一讚嘅係餐廳侍應都好有禮貌 加水收碟速度快 每上一道菜亦會同你介紹菜色嘅內容同材料 而且每個菜式上盤都非常精美 令人賞心悅目 係味覺同視覺嘅同時享受Overall好推介大家黎一試 特別係慶祝節日