六福菜館

營業中

休息中

一行四人西貢市中心搵食，《六福菜館》是個好選擇。餐廳樓上雅座，裝修新淨整潔，坐得好舒適。 經理殷勤招待，店員友善服務。芥末雲耳~ 雲耳爽脆，味道調得非常好。脆皮豆腐~ 熱辣辣炸起，外脆內軟，豆腐非常軟滑。辣酒花甲~ 花甲好新鮮，酒味香濃，辣味配合得好好，互相唔會搶味，做得好出色。椒鹽焗鮑魚~ 呢個做法鮑魚都做得出色彈牙，鹽焗時間剛剛好，讚！天婦羅桶蠔生菜包~桶蠔大隻又新鮮，啖啖肉，炸漿味道夠，放在生菜上吃，沾少少沙津醬令口感更上一層樓。薑蔥蟶子煎米粉~ 熱辣辣吱吱聲煲仔上，蟶子炒得勁香口，好惹味，欣賞廚師技術。欖角蜜糖骨~欖角味道好特別，蜜糖甜甜地，個骨都做得好淋好入味，味道一試難忘。西蘭花炒帶子~ 大大個帶子好新鮮，西蘭花嫩綠爽脆。海鮮炒飯~材料豐富，炒飯一啲都唔油，炒到粒粒跳。新出夏日特飲，鮮菓沙冰，即叫即做，新鮮水菓打製，沙冰幼滑，試咗椰汁沙冰及菠蘿沙冰，清涼消暑，正！尾聲，餐廳送咗個泰式椰子甜品，椰子爽脆，整體唔會太甜。果然是米芝蓮餐廳，食品出色，服務一流，值得一讚！