Bostonian Seafood & Grill

朗廷酒店呢間Bostanian 出咗名食海鮮嘅，早排見到有人IG介紹，更加令我想嚟一試！首先叫咗龍蝦湯，呢度嘅份量比較少，早排去食另一間酒店嘅西餐廳龍蝦湯份量相對大碗好多。不過都有龍蝦肉，而且味道唔錯。本身我哋諗住要一個seafood tower 加一塊牛扒share ，落單嘅時候侍應話一個seafood tower 己經夠3至4個人食，叫我地食完海鮮先決定要唔要加牛扒。噢，咁好啦，我哋就諗住試咗海鮮先唔夠再嗌啦。呢到既seafood tower $998係得一層，落單嘅時候侍應就話今日冇生蠔，因為供應唔夠，所以會其他海鮮俾多少少，聽到有啲失望嘅，不過冇辦法啦今日一心嚟食海鮮都照叫啦。最中間係龍蝦，旁邊有幾隻海蝦， 車厘蜆，螺，蟹，扇貝。總括嚟講海鮮都新鮮嘅，但係唔會有太大驚喜。個人最鍾意就係食個龍蝦，車厘蜆同埋蟹，不過冇生蠔真係爭咁啲。個扇貝就比較細粒。同埋份量來講最多都係夠兩個人食，如果三至四人分就會好少。個波士頓龍蝦建議要熱食，烤應該好食啲。食晒啲海鮮又真係飽飽地，最後都冇叫到牛扒，淨係叫咗兩杯嘢飲。附送飯後甜點，個蛋糕仔唔錯幾好食，但係其他太甜。