笑酤和味炭燒 (The Pulse) (已結業)

尋日去左淺水灣打卡，平日再加上封左沙灘真係比較靜，可以盡情咁打卡，打完卡就順便係商場覓食，當徬徨緊食咩好既時候，突然遠處傳來陣陣燒烤味，我地行過去睇下，原來呢間餐廳係食備長炭燒烤的，於是就立即搵位坐低，午餐價錢也很親民，價錢由$158起。備長炭M5和牛澳洲穀飼M5和牛肉色粉嫩，師傅控制時間得宜，肉質軟腍又有咬口，脂肪平均又juicy，套餐配麵豉湯、沙律同白飯/烏冬。備長炭燒鰻魚鰻魚燒得好香脆，肥美甘香，肉質鮮甜幼滑，有少許幼骨，套餐配麵豉湯、沙律同白飯/烏冬。特上碎蔥拖羅丼 拖羅蓉份量都幾足，舖滿整個飯面，魚肉夠新鮮，口感軟綿。牛油果沙律 沙律超大份，真的有點嚇親，沙律菜好新鮮，面頭鋪滿牛油果，再灑上芝麻同菊花瓣點綴，增添好多色彩，沙律汁少甜微酸，增添食慾，跟餐配素加洲卷。