影片
更多
2023-11-06
1336 瀏覽
今日約咗舊同學聚會，黎到最方便最多野食既旺角，事先已經有人推介咗呢間壹火鍋，因為性價比高，環境乾淨，食物種類多，電梯門一打開就見到招牌大名，有齊刺身、海鮮同火鍋任食放題，入座後睇真menu發現佢仲有埋雞煲可以食，真係包羅萬有晚市黃金時段都係$219起就可以食勻雞煲直落邊爐放題真係幾抵玩，不過一切都要睇埋食物質素先再定奪，餐廳仲可以加$50任食刺身，再加$50食靚牛肉，都出得黎玩就梗係唔好慳，最緊要食得開心由於同行有朋友唔食麻辣所以今次就直落食邊爐，惹味麻辣雞煲就留返下次先，邊爐湯底都可以由中日鴛鴦湯同埋中式經典湯底揀，今日揀咗泰式冬陰功湯配日式骨膠豚骨湯上檯時火鍋就有冬陰功既酸辣香料味同埋豚骨湯既濃香傳出，緊接住就送上刺身盤、海鮮船同埋牛食家拼盤，眨眼之間就已經放滿咗成個卡位餐廳係用手機落單為主，大部份基礎料同海鮮等等都可以落單，另外出面仲有自助區，有好多蔬菜丸類同埋澱粉質醬料區都唔簡單，有十幾款選擇，而且仲有獨門調製醬汁皇后醬同皇帝醬，試過都有意想唔到既驚喜調好醬汁後就食住刺身等火鍋滾起，刺身料理入面都有成10款魚生，上檯時下面墊埋燈，打卡起上黎都唔遜色，有三文魚、甜蝦、八爪魚同埋榮
晚市黃金時段都係$219起就可以食勻雞煲直落邊爐放題真係幾抵玩，不過一切都要睇埋食物質素先再定奪，餐廳仲可以加$50任食刺身，再加$50食靚牛肉，都出得黎玩就梗係唔好慳，最緊要食得開心
由於同行有朋友唔食麻辣所以今次就直落食邊爐，惹味麻辣雞煲就留返下次先，邊爐湯底都可以由中日鴛鴦湯同埋中式經典湯底揀，今日揀咗泰式冬陰功湯配日式骨膠豚骨湯
上檯時火鍋就有冬陰功既酸辣香料味同埋豚骨湯既濃香傳出，緊接住就送上刺身盤、海鮮船同埋牛食家拼盤，眨眼之間就已經放滿咗成個卡位
餐廳係用手機落單為主，大部份基礎料同海鮮等等都可以落單，另外出面仲有自助區，有好多蔬菜丸類同埋澱粉質
醬料區都唔簡單，有十幾款選擇，而且仲有獨門調製醬汁皇后醬同皇帝醬，試過都有意想唔到既驚喜
調好醬汁後就食住刺身等火鍋滾起，刺身料理入面都有成10款魚生，上檯時下面墊埋燈，打卡起上黎都唔遜色，有三文魚、甜蝦、八爪魚同埋榮螺片等等，融雪處理都幾好，入口軟滑有油脂味，最愛榮螺片帶有自然貝類甜鮮味
海鮮船上場時大家都嘩嘩聲，因為海蝦真係好生猛，保持住不停跳動，絕對係活蝦養得好先有咁既活力，係旺角任食火鍋海鮮新鮮度真係可以排第一，其他鮑魚花甲都好乾淨，食落冇沙冇碎殼，有彈牙口感同新鮮海水味，而且唔會好難離殼，方便易食唔狼狽
當然最受歡迎既都係牛肉啦，因為人人都啱食，可以食到美國SRF和牛，仲有牛小排同牛板腱，驚喜仲有手切封門柳，美國牛帶有雪花紋理，食落有油香唔太膩，封門柳有咬口過癮
最後食埋甜品先係happy ending，有3款雪糕杯同埋3款泰式雪條，不過個人大推韓式既朱古力脆皮雪糕批，甘味同甜恰到好處
張貼
