影片
港鐵旺角東站 B 出口, 港鐵油麻地站 A2 出口
繼續閱讀
電話號碼
27808399
營業時間
今日營業
17:00 - 01:00
星期一至日
17:00 - 01:00
以上資料只供參考, 請與餐廳確認詳情
前個星期阿仔測完驗，當然要慶祝一下🤭而家大個咗好鍾意打邊爐，因為可以係咁食牛肉，媽媽我就最鍾意食刺身，爸爸就鍾意順便食埋雞煲，又平又靚encore返呢間旺角嘅壹火鍋！ 人人想食嘅嘢都有！.任食火鍋6:30-9pm $209/位（大人）😳抵！如果早啲或者晏啲先再平啲㖭！可選雞煲/火鍋湯底，我哋一定係食盡😂先選雞煲，雞煲有六種選擇，味道都好唔錯，入口嫩滑又好惹味！.如果喜歡食刺身，可以每位加$50 就可以任叫任食～😋 刺身質素一啲都唔差，三文魚鮮甜肥美、馬刀貝和甜蝦都係食完要encore😋😋😋.喜歡食牛嘅，可以每位加$50 任叫任食不同部位嘅和牛🐄😋特別推介要食手切封門柳、極上牛板鍵和牛肩胛，都係入口嫩滑又香濃的牛味！.外面都有大量火鍋材料，包括丸類、蔬菜、餃子、麵等等，也可手機點選蝦滑、墨魚滑等等記得要試埋呢個豆腐雪糕，非常特別😋.全枱分享上社交平台，就可以獲贈和牛拼盤和任食雞煲🥰🥰🥰 火鍋價錢加返$50 ，就已經有三重享受啦！.呢個價錢真係好抵食，喜歡食邊樣多啲就加錢食邊樣😊，地點仲响旺角中央地帶，最啱朋友聚會好地方！
繼續閱讀
之前同朋友嚟過呢度食火鍋，覺得唔錯。今次就帶埋老公同佢啲朋友一齊食吓飯，傾吓計，聚吓舊。餐廳位置方便，約朋友食飯好就腳。餐廳環境乾淨，自助形式，任飲任食放題。肉類、餃子類同炸魚皮等可用QR落單，其餘火鍋配料都可在外面自取。而火鍋配料種類多，擺放整齊，每款都用蓋蓋好，乾淨整齊，好企理。餐廳做緊三重賞，只要影職員指示圖片，然後在社交平台share比朋友，就會有雞煲同黑毛素肚無限追加，另外仲送頂級和牛拼盤。火鍋湯底可鴛鴦湯底或中式湯底，如選雞煲就食完直接加湯打邊爐，兩選一。而我哋就揀先食雞煲，再用雞煲精華打邊爐。如果怕油，職員可以幫忙換清湯。鴛鴦田雞麻辣雞：份量多，四人份量係全雞隻，而田雞用雞煲煮法都係第一次食叫左BB辣。田雞夠嫩，有少少辣勁惹味，連朋友唔食得辣都話好好味。刺身拼盤：賣相幾靚，有三文魚、希靈魚、立魚、甜蝦、赤貝、蟹柳、螺同鮑片等，雖然係火鍋店，但味道同素質都幾ok。黑毛素肚：少有火鍋店配料，佢係用魔芋制成，低熱量同零卡路里，口感爽口，佢吸晒雞湯煲汁精華，好好食，仲可以無限追加，正！鮑魚海鮮船：海鮮種類多，鮑魚同大蝦好生猛，仲郁架。另外仲有蟶子、帶子、生蠔、龍躉片、珊瑚蚌同幾款蜆類。朋友話好抵，每位加50蚊就有咁多嘢食，出面買都唔止。而海鮮size全部都好大，新鮮，食落夠甜夠鮮味，朋友一路食，一路讚。頂級和牛拼盤：朋友話見到已經好想食，和牛有五款，手切封門柳同極上同牛板腱就比較厚身同瘦；嚴選牛肩胛同和SRF牛肉眼脂肪分佈均勻，安格斯牛小排脂肪就比較多少少。整體和牛味道較濃，有口感，就算贈送都唔會話馬虎，真心覺得幾好。火鍋配料：食完雞煲、刺身拼盤、鮑魚海鮮船同頂級和牛拼盤都已經好飽，見到菜都幾好，我哋都食左少少。甜品：有本地品牌雪糕、馬來西亞榴槤雪條同黑糯米雪條，仲有糯米糍，樣樣食d，好滿足。
繼續閱讀
喜歡打邊爐的朋友，一年四季都係 打邊爐的好季節呢度可以揀先食雞煲然後火鍋，又可以直接揀中日鴛鴦火鍋或者中式湯底火鍋我們選擇了椰子雞湯底，淡淡椰子香味加埋藥材，好暖胃。雞肉非常嫩滑先來個刺身拼盤，三文魚，甜蝦，八爪魚，墨魚片，鮑魚片，油甘魚，馬刀貝，鯛魚，榮螺片，希靈魚，玉子，蟹棒刺身攞盤精緻，新鮮甜美。還可以加$50無限追加，好抵呀！牛肉拼盤，有手切封門柳，安格斯牛小排，極上牛板腱，嚴選牛肩胛，和牛肉眼。牛肉紋路分明， 肥瘦適中。封門柳顏色較深，肉質柔軟味道也較濃郁這個也是可以加$50無限追加，無得輸見鮑魚海鮮船好吸引，大顛，只係加$50，自己去街市買都搞唔掂。 有鮑魚，生蠔，帶子，虎蝦，扇貝，海蜆，蟶子。見啲蝦還識郁就知道新鮮，海鮮清洗得乾淨，唔會有沙，食落新鮮甜美可以掃 QR code 同出去拿火鍋配料， 我們叫了白鱔，脆鯇片，魚頭雲，田雞，響鈴，等等，行出去攞些蔬菜，丸類。店家還推出分享到社交平台，有免費食物贈送食到幾飽都要食返杯雪糕先至為完美，飲飽食醉，人均二佰多，旺角火鍋放題之選。
繼續閱讀
壹火鍋的美食體驗旺角西洋菜南街1N號兆萬中心16樓與朋友共進晚餐，我們決定享受一頓火鍋，既能暖身又能增進友誼，實在是再合適不過的選擇。這裡的自助火鍋以其豐富的食材選擇和合理的價格而受到廣泛讚譽。用餐的基本費用為每位大人$209，並設有兩小時的用餐時間，這對於我們這樣喜愛邊吃邊聊天的人來說，時間充裕，非常合適。在菜單中，我們注意到可選擇的升級項目，每位僅需額外$50即可享用刺身、海鮮或升級牛肉等多重選擇。這讓我們的決策變得更加困難，但也充滿了期待。最終，我們決定升級，享受海鮮船及刺身，這樣可以一舉滿足我們對海鮮的渴望。火鍋的湯底有多種選擇，我們選擇了芝士麻辣雞煲底，並點了鮮蕃茄湯。接下來，我們的海鮮船也接連上桌，裡面包含了蟶子、鮑魚、蠔、蝦和鯛魚等各式新鮮海產。每一樣食材都讓我們驚喜不已，令人一見傾心。這樣的美味，無疑是對味蕾的一次極致滿足。值得一提的是，壹火鍋的自助區非常整潔，食材擺放得井然有序。這不僅讓我們在選擇食材時感到愉悅，也增添了用餐的氛圍。此外，這裡還提供多種飲品和雪糕，讓我們在享用火鍋之餘，還能品味到清涼的甜品，為整個用餐體驗增添了不少樂趣。在這兩小時的用餐過程中，我們一邊品嚐著美食，一邊輕鬆交流，笑聲不斷。這樣的聚會不僅僅是滿足了味蕾，更是加深了友誼，讓人倍感珍貴
繼續閱讀
之前同朋友嚟過呢間火鍋店，覺得幾好食，所以今次特登帶埋屋企人一齊嚟試吓。餐廳地點好方便，約人食飯好易就到。環境乾淨企理，自助形式，任飲任食，肉類、餃子同炸魚皮可以用QR Code落單，其他火鍋配料就擺喺外面自取，種類多又整齊，每款都用蓋蓋好，感覺好衛生。餐廳而家做緊三重賞優惠，只要跟職員指示影相並分享到社交平台，就可以無限追加雞煲同黑毛素肚，仲送頂級和牛拼盤，真係好抵！火鍋湯底可以揀鴛鴦湯底或者中式湯底，我地揀左骨膠豚骨湯同沙嗲湯。**刺身拼盤**：賣相好精緻，有三文魚、希靈魚、立魚、甜蝦、赤貝、蟹柳、螺同鮑片等，雖然係火鍋店，但刺身質素都幾高，新鮮又夠味。**黑毛素肚**：呢款配料比較少見，用魔芋製成，低熱量又零卡路里，口感爽脆，吸晒湯汁精華，好好食，仲可以無限追加，真係正！**鮑魚海鮮船**：海鮮種類豐富，鮑魚同大蝦都好生猛，仲會郁㗎！另外仲有蟶子、帶子、生蠔、龍躉片、珊瑚蚌同幾款蜆類。每位加50蚊就有咁多海鮮，出面買都唔止呢個價，而且海鮮size大又新鮮，食落鮮甜，大家都讚不絕口。**頂級和牛拼盤**：和牛有五款，手切封門柳同極上和牛板腱比較厚身同瘦；嚴選牛肩胛同SRF牛肉眼脂肪分佈均勻，安格斯牛小排就脂肪多啲。整體和牛味道濃郁，口感豐富，就算係贈送都絕不馬虎，真心覺得好高質。**火鍋配料**：食完刺身拼盤、海鮮船同和牛拼盤已經好飽，但見到蔬菜都好新鮮，我哋都夾咗少少試吓。**甜品**：有本地品牌雪糕、馬來西亞榴槤雪條同黑糯米雪條，仲有糯米糍，樣樣都試吓，食到好滿足。總括嚟講，呢間火鍋店無論係食物質素、環境定服務都令人滿意，特別係佢哋嘅優惠活動同海鮮、和牛嘅質素，真係物超所值，下次一定會再嚟！📍 壹火鍋 (旺角)旺角西洋菜南街1N號兆萬中心16樓#香港探店 #香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkig #hkfoodie #hkfoodies #food #foodie #foodstagram #foodblogger #berryfoodie #berry旺角 #壹火鍋 #火鍋 #雞煲 #海鮮
繼續閱讀