影片
更多
2022-08-09
49 瀏覽
放假同老公諾士佛臺happy hour完，之後嚟到咁日式型格居酒屋，入到去已經餐廳好心思佈置，值得加分！ 入到去見到上見到牆身大幅日本嘅畫， 好有日本返鄉下既感覺！ 去居酒屋點少得飲Sake, 老公點咗支Sake，好易入口，佢地提供 Sake 酒杯 8宮格任你揀 , 有五顏六色旋轉既玻璃酒杯！ 超有儀式感！首先前菜，我地點咗酢漬水母第一次食水母，對我嚟講好新奇， 竟然係好爽，配醃料食落去少酸酸地， 夠曬開胃！ 田螺份量剛好，驚喜地好爽口，又新鮮！啲田螺又好入味，送酒簡直一流！主菜我地點咗海膽松葉蟹蓋甲羅燒，呢個仲有即埸專人幫你燒埋，真係太好服務，呢個甲羅燒入面放滿住啲蟹膏 , 仲有兩片海膽 , 兩樣加埋一齊燒， 燒緊嘅時候已經聞到好香蟹肉同海膽味，只需要幾分鐘就食得， 將熱辣辣海膽松葉蟹放係梳打餅上面， 第一啖食落好鮮味！ 一啲都唔係腥， 兩樣加埋一齊食真係好夾！ 好食到我仲想 encore😂銀雪魚賣相好吸引， 燒得剛剛好， 食落外脆內軟， 而且肉質特別滑， 再配埋特別日式嘅醬汁 愈食愈想食，呢個絕對係必叫！雞軟骨佐酒良品，師傅整到啱啱好，唔會太乾，入面雞軟骨都有水分柚子啫喱生蠔老
去居酒屋點少得飲Sake, 老公點咗支Sake，好易入口，佢地提供 Sake 酒杯 8宮格任你揀 , 有五顏六色旋轉既玻璃酒杯！ 超有儀式感！
首先前菜，我地點咗酢漬水母
第一次食水母，對我嚟講好新奇， 竟然係好爽，配醃料食落去少酸酸地， 夠曬開胃！ 田螺份量剛好，驚喜地好爽口，又新鮮！
啲田螺又好入味，送酒簡直一流！
主菜我地點咗海膽松葉蟹蓋甲羅燒，呢個仲有即埸專人幫你燒埋，真係太好服務，呢個甲羅燒入面放滿住啲蟹膏 , 仲有兩片海膽 , 兩樣加埋一齊燒， 燒緊嘅時候已經聞到好香蟹肉同海膽味，只需要幾分鐘就食得， 將熱辣辣海膽松葉蟹放係梳打餅上面， 第一啖食落好鮮味！ 一啲都唔係腥， 兩樣加埋一齊食真係好夾！ 好食到我仲想 encore😂
銀雪魚
賣相好吸引， 燒得剛剛好， 食落外脆內軟， 而且肉質特別滑， 再配埋特別日式嘅醬汁 愈食愈想食，呢個絕對係必叫！
雞軟骨
佐酒良品，師傅整到啱啱好，唔會太乾，入面雞軟骨都有水分
柚子啫喱生蠔
老公至愛，手掌咁大嘅日本生蠔，唔會太鹹，好清甜，加埋柚子啫喱將生蠔嘅鮮味帶出嚟，食完兩隻仲想追加
日本蕃薯
嚟到嘅時候問到好香嘅牛油味，食落軟綿綿咁呀
日本年糕
爆漿芝士年糕，外面脆脆的，一口咬落去，入面嘅芝士四方八面湧出嚟，好creamy
茶漬飯
原本仲以為係飯團，原來係湯飯，喜出望外， 清清哋嘅茶漬飯，飽肚之餘，又可以將先前食物嘅油份從口中帶走， 完美嘅配搭
張貼
