影片
更多
2021-06-30
119 瀏覽
今日放工同男朋友黎到荃灣行街，咁岩行過鮨一又覺得好耐冇食日本野，就決定食呢間。芥辣八爪魚我好鐘意wasabi果種好攻鼻既感覺，呢個八爪魚非常非常重wasabi味，啱晒我。雞泡魚乾雞泡魚燒得好香，加埋面頭既燒汁，甜甜地幾惹味。燒芝士年糕芝士年糕一定要趁熱食， 一咬落去入面既芝士流心流晒出黎，好肥好邪惡。男朋友話最好食係呢樣喎，最後仲要加單再叫。劍魚腩刺身肉質好結實，食落同預期一樣夠晒油脂香。火炙蝶魚邊壽司、蟹肉蟹羔壽司、鰻魚壽司、三文魚腩壽司火炙蝶魚邊壽司係店員推介既，話係比較多人叫既一款壽司。食完發現真係冇介紹錯，蝶魚邊燒一燒之後入口即溶，啲油脂出晒黎。黑松露鵝肝反卷黑松露同鵝肝簡直係絕配。入面包住肥肥既燒鵝肝，一咬落去鵝肝既油脂香就即刻湧出黎。鮨一千層海膽飯最最最重頭戲就係呢個千層海膽飯，因為男朋友唔特別鐘意食海膽，所以我地叫左細size。唔好睇佢細細碗咁，份量已經好足。啲海膽一層一層咁堆到山咁高，下面係吞拿魚蓉，加埋面頭既金箔，賣相非常奢華，一黎到見到個樣已經覺得好震撼。海膽入口即溶，味道鮮甜。如果你同我一樣都係海膽控記住一定要叫呢個。牛肉稻庭湯烏冬食左咁多生冷野，最後食返啲熱野暖
芥辣八爪魚
我好鐘意wasabi果種好攻鼻既感覺，呢個八爪魚非常非常重wasabi味，啱晒我。
雞泡魚乾雞泡魚燒得好香，加埋面頭既燒汁，甜甜地幾惹味。
燒芝士年糕
芝士年糕一定要趁熱食， 一咬落去入面既芝士流心流晒出黎，好肥好邪惡。男朋友話最好食係呢樣喎，最後仲要加單再叫。
劍魚腩刺身
肉質好結實，食落同預期一樣夠晒油脂香。
火炙蝶魚邊壽司、蟹肉蟹羔壽司、鰻魚壽司、三文魚腩壽司
火炙蝶魚邊壽司係店員推介既，話係比較多人叫既一款壽司。食完發現真係冇介紹錯，蝶魚邊燒一燒之後入口即溶，啲油脂出晒黎。
黑松露鵝肝反卷
黑松露同鵝肝簡直係絕配。入面包住肥肥既燒鵝肝，一咬落去鵝肝既油脂香就即刻湧出黎。
鮨一千層海膽飯
最最最重頭戲就係呢個千層海膽飯，因為男朋友唔特別鐘意食海膽，所以我地叫左細size。唔好睇佢細細碗咁，份量已經好足。啲海膽一層一層咁堆到山咁高，下面係吞拿魚蓉，加埋面頭既金箔，賣相非常奢華，一黎到見到個樣已經覺得好震撼。海膽入口即溶，味道鮮甜。如果你同我一樣都係海膽控記住一定要叫呢個。
牛肉稻庭湯烏冬食左咁多生冷野，最後食返啲熱野暖下胃。烏冬湯底帶啲日式醬油既甜味，烏冬口感都幾彈牙。
總括黎講今餐食左咁多野真係好滿足，餐廳細細間座位唔多，大家黎之前記住要book位。
張貼
