焱丸水產 (已結業)

今日去左銅鑼灣食飯，中午食海鮮好過癮呀！朋友帶路去食好東西呀！我地先叫左一個焱丸海鮮刺身，海鮮好豐富呀，沙律菜又夠新鮮！朋友又鐘意食菜，我地食海鮮前清清味蕾！之後我地叫左活海螺刺身和左口魚刺身，之後再加單叫左一個甜蝦刺身！刺身水準好高，味道又夠鮮甜，超鐘意食海螺，味道夠哂爽甜清香，甜蝦好好味！刺身保持新鮮唔會有雪藏味！左口魚燒香好食，原來刺身都好好食架！魚香輕盈清甜。我地再叫左一個三文魚中卷，三文魚夠肥美，一口一件好快比我地食飯，壽司每件比例剛剛好，飯粒夠咬口！牛油粟米，牛油味濃粟米夠香甜，每一口都是惡魔！唐揚八爪魚，入口唔會好乾好硬，反而油膩感不重，炸粉唔多！泡菜黑豬肉鍋，泡菜湯底好惹味，辣度唔高，而且豬肉好軟綿豬肉味道好突出！之後到左主打海鮮磯燒啦！帶子超大隻又肥美，加上牛油燒香，中間半熟夠哂鮮甜，食一隻太少啦！之後再叫左白烚磯燒，每隻鮮甜肥美無沙，朋友一個人獨享，分得一隻比我咋！最後叫左兩杯飲品，有柚子蜜和巨蜂梳打！