Green Common (海港城) (已結業)

Green Common 外賣夏天就黎到，係時候要keep fit 啦！新肌肉藜麥沙律 $58 （抗疫快取套餐）呢到係一個套餐，都幾大份下。沙律分兩份，仲有個湯配埋。因為呢間主打係素食，所以呢到嘅午餐肉係素肉，另外配咗兩份芝麻花生醬汁用黎食沙律。蘑菇黑椒湯 ：呢個湯主要就係各種蘑菇打碎成小粒狀，加上濃濃嘅黑椒去煮成，口感同味道都唔錯。呢盒沙律嘅材料有素午餐肉：味道一般，個人都係鐘意食“真嘅”午餐肉多啲豆腐：係硬豆腐，都幾滑，但冇咩豆味。藜麥 ：本身冇咩味道嘅，主要係用個汁提味，係食落感覺一粒粒。豆：有鷹嘴豆及紅大豆，口感食落都幾軟綿。呢盒主要係青菜，有牛油果、小蕃茄、羽衣甘藍。個人建議唔好一盒一盒咁食，兩盒沙律一齊食，咁味道會比較中和，一盒比較清淡，另一盒則味道相對比較多，到最後就咁食羽衣甘藍，口感會覺得有啲乾同難食得落。整體黎講，有時食一食都幾好，當清清腸胃。