賀喜 (美孚新邨) (已結業)

住美孚的朋友介紹賀喜的出品唔錯，趁着有喜慶事，一於同老婆試一下。由於menu花多眼亂，樣樣都想試，簡單點個京都二人餐就算。頭盤芒果蟹子沙律 -- 芒果勁鮮甜，令我非常開胃，為今天豐富的一餐揭開序幕。5色刺身拼盤 -- 各款刺身都極新鮮，我尤其鍾意個牡丹蝦，肉質鮮甜又粘口，正呀！蝦頭仲可以炸返俾我食添。壽司拼盤 -- 其實都唔錯，但食完刺身後，又冇乜大驚喜。熱食 -- 煎和牛粒囗感入口即溶化，果然係堅和牛㗎。西京燒銀雪魚，肉質好滑，加上西京汁，簡直係絕配。最後個魚湯不能不提，極重魚鮮香味，絕對唔會有魚腥味，愛飲湯人仕之至愛。這一頓豐富的二人餐份量其實足夠三人一齊品嚐，份量十足。性價比高，品質新鮮，值得再來。