鮨千月 (已結業)

位於26樓，有海景omakase，坐bar枱可以一邊睇師傅上菜，一邊睇海景，午市有好多選擇，揀了森羅$480。新鮮爽脆沙律菜，醬汁酸甜，好開胃。茶碗蒸賣相吸引，蛋口感香滑，蛋與上湯比例控制得宜，十分足料。薄切白間魚刺身刺身伴上些清爽的昆布、海藻等日式沙律菜。肉質透亮，看起來非常新鮮，口感一流，柔軟帶微爽，充滿魚香，吃時蘸上少許柚子醋，令人吃得滿足。三點刺身帶子肉質厚又柔軟，鮮味濃郁，有綠茶粉，入口有少許青檸清香，將鮮味放大。油甘魚肉質結實爽口，魚味鮮甜。吞拿魚厚切，鮮紅有光澤，口感柔軟。甜蝦配黑魚子醬蝦肉晶瑩通透，肉質彈牙，富彈性。石鯛魚口感細膩帶靱感，配上紅莓醬，帶出鮮味。燒左口魚邊 油脂豐腴，經輕輕灸燒，將魚油迫出來，突顯脂厚油香。北海道海膽壽司海膽份量多，鮮甜滑溜，入口即溶，非常鮮甜，完全唔腥，超級高質。刺生飯 材料豐富有赤貝邊、油甘魚、白魚、 中拖、魚子，魚鬆粉，以麻油拌過，食到最後每口都有魚生。味噌湯味噌咸香味濃，有菇、豆腐皮、蘿蔔。甜品有豆腐雪糕或紅豆雪糕，雪糕口感絲滑，充滿濃郁豆香，為午餐完美完結。