Cull ’N Pistol Hong Kong (已結業)

星期五一早book定枱，約埋三五知己一齊去鯉景灣海旁chill 一chill，呢度環境的確非常舒心，而且食物質素都好好添呀！復古蕃茄溫泉蛋沙律蕃茄超級juicy！沙律菜新鮮，最出色係沙律菜撈得均勻，每一啖都有蟹肉，非常出色同有驚喜！水牛芝士配巴馬火腿、酸麵包多士一向芝士、火箭菜、巴馬火腿都係絕配，所以味道絕對有保證！今次仲有埋酸麵包多士，大大提升左口感同層次，我哋四個都話好食😋！慢烤雞胸、忌廉菠菜、黑松露薯蓉慢烤的雞胸軟嫩多汁，毫無半點乾柴，配以creamy 的忌廉菠菜，簡直一絕！另外薯蓉亦十分出色，每一啖都有黑松露芳香撲鼻，整體絕對高質！Tiramisu提拉米蘇有香噴噴的咖啡味，蛋糕質感厚實，係我鍾意嘅質感！