影片
更多
2018-11-19
228 瀏覽
通常慶祝紀念日或者生日都想食好少少，環境好少少，如果想符合性價比嘅話，私房菜係一個好選擇。最近食嘅呢間銅鑼灣西餐廳可以睇到維港夜景，而且分咗一間間房，不但氣氛浪漫，私隱度都好高，除咗啱同情人嚟之外，亦好啱同姊妹傾偈談心。最近我就同好友嚟咗試下佢嘅 6-course dinner （$688）。店員先送上Welcome Snacks，每日都唔同，今日就係Mozzarella同 Parma Ham with melon。比較特別既係parma ham上加咗一滴陳年黑醋，更加帶出parma ham嘅鹹香。Bread Basket嘅牛角包都好鬆化！前菜我揀咗Pan Seared Hokkaido Scallop with sweet corn puree and lettuce北海道帶子煎得金黃色，賣相吸引，食落肉質柔軟，配上香甜粟米蓉，味道好有火花。Catch of the Day紅立魚煎得外皮香脆，肉質嫩滑，上桌時店員再噴一噴意大利果醋，令到魚嘅鮮味更加發揮。我最鍾意睇下嘅洋蔥，吸收咗白酒牛油汁同魚嘅鮮味，好香！Mushroom Soup蘑菇湯成日都見到，但呢度嘅蘑菇湯用咗16款菇類熬製而
最近食嘅呢間銅鑼灣西餐廳可以睇到維港夜景，而且分咗一間間房，不但氣氛浪漫，私隱度都好高，除咗啱同情人嚟之外，亦好啱同姊妹傾偈談心。
最近我就同好友嚟咗試下佢嘅 6-course dinner （$688）。
店員先送上Welcome Snacks，每日都唔同，今日就係Mozzarella同 Parma Ham with melon。比較特別既係parma ham上加咗一滴陳年黑醋，更加帶出parma ham嘅鹹香。
Bread Basket嘅牛角包都好鬆化！
前菜我揀咗Pan Seared Hokkaido Scallop with sweet corn puree and lettuce
北海道帶子煎得金黃色，賣相吸引，食落肉質柔軟，配上香甜粟米蓉，味道好有火花。
Catch of the Day
紅立魚煎得外皮香脆，肉質嫩滑，上桌時店員再噴一噴意大利果醋，令到魚嘅鮮味更加發揮。我最鍾意睇下嘅洋蔥，吸收咗白酒牛油汁同魚嘅鮮味，好香！
Mushroom Soup
蘑菇湯成日都見到，但呢度嘅蘑菇湯用咗16款菇類熬製而成，無加忌廉，只係食菇原始嘅味道同埋加咗松露油，令到味道更加豐富有層次。唔似平時飲開嘅西湯，不過味道好就得啦！
Pasta: Bacon Pasta
意粉份量不多，不過作為過場都可以。意粉配上奶油醬汁，creamy惹味，煙肉片加添鹹香，不過質素未見驚喜。
Main Course: Honey Roasted Barbera Duck Breast
鴨胸燒得表皮煙靭彈性，內裡軟腍入味，食落有淡淡蜜糖香氣，如果肉味濃一D就更好。
Dessert: Tiramisu with Kahlua Coffee Jelly, Almond crumble
tiramisu好有驚喜，口感軟滑，酒味同咖啡味都唔會各搶風頭，反而取得平衡。而咖啡啫喱而係好聰明嘅做法，提高咖啡濃郁度，又令到口感更加豐富，好食！
每道菜都唔錯，值得一讚嘅係侍應服務有禮友善，每道菜上之前都會介紹！值得推介！
張貼
