同屋企人去咗呢間中菜，傳統菜式加入創新元素，由老師傅主理，食得出真功夫！
潮州護國菜用新鮮菠菜茸熬成，湯色碧綠似翡翠，加入瑤柱同火腿提鮮，口感綿滑得嚟帶少少顆粒感，飲落清潤又健康～
紅燒乳鴿即叫即炸！皮脆肉嫩，最正係個滷水醃得入味，連骨都索晒味，蘸少少淮鹽更惹味～
鐵板西班牙叉燒（半份），用西班牙黑毛豬做叉燒，鐵板上枱時仲"滋滋"響，蜜汁香甜帶焦香，肉質軟嫩。
蟹粉小籠包皮薄餡靚，一啖咬落去爆出滿滿蟹黃湯汁。
甜品香煎黃金糕，外脆內軟。
生磨蛋白杏仁茶，杏仁味香濃自然，蛋白滑溜，甜度剛好，暖笠笠好舒服～
餐廳環境新淨典雅，服務貼心，最啱一家大細聚餐。雖然價錢中上，但食材同廚藝都值回票價！
