影片
更多
2022-10-05
17 瀏覽
海港城呢間得獎嘅漢堡包店，座位唔多，所以都等左一陣先有位。但面對住無敵海景，坐得好舒服，等耐D都值得。餐廳主打漢堡，classic, cheese, double cheese, Honbo 1.0, 1.5, 2.0, 滿足一班牛魔王既食量。Side dish 有好多選擇，薯條有不同既top up, 肉醬，芝士，令薯條口氣更豐富，唔想咁熱氣可以揀沙律或者酸瓜。HONBO 2.0 一共有4塊2安士牛肉，一共係8安士，咬過啖啖肉。牛肉好juicy, 好重牛味，一咬過去爆晒汁。除左牛肉，3份芝士，酸瓜，洋蔥。4塊牛肉疊埋一齊，根本無可能一口咬得晒，都要分2啖食完上層食下層。真係食肉獸至愛，我諗響香港好難搵到咁美式嘅漢堡。黃金堡只有2塊牛肉，但每塊都係4安士，所以都係8安士，比起HONBO2.0，牛肉較厚同更juicy，配上特製煙肉，2份芝士，仲有生菜。煙肉好脆，咬落去好crispy, 生菜好新鮮，好爽脆，配埋牛肉反而有另一種味道，好清新，唔會好滯。薯條揀左cheese, 新鮮熱辣既薯條，配埋芝士醬，好香濃。再配埋餐廳特制醬汁，非常好味。水牛雞翼有5隻，外脆內軟，好juicy，醬汁帶少少辣，
餐廳主打漢堡，classic, cheese, double cheese, Honbo 1.0, 1.5, 2.0, 滿足一班牛魔王既食量。Side dish 有好多選擇，薯條有不同既top up, 肉醬，芝士，令薯條口氣更豐富，唔想咁熱氣可以揀沙律或者酸瓜。
HONBO 2.0 一共有4塊2安士牛肉，一共係8安士，咬過啖啖肉。牛肉好juicy, 好重牛味，一咬過去爆晒汁。除左牛肉，3份芝士，酸瓜，洋蔥。4塊牛肉疊埋一齊，根本無可能一口咬得晒，都要分2啖食完上層食下層。真係食肉獸至愛，我諗響香港好難搵到咁美式嘅漢堡。
黃金堡只有2塊牛肉，但每塊都係4安士，所以都係8安士，比起HONBO2.0，牛肉較厚同更juicy，配上特製煙肉，2份芝士，仲有生菜。煙肉好脆，咬落去好crispy, 生菜好新鮮，好爽脆，配埋牛肉反而有另一種味道，好清新，唔會好滯。
薯條揀左cheese, 新鮮熱辣既薯條，配埋芝士醬，好香濃。再配埋餐廳特制醬汁，非常好味。
水牛雞翼有5隻，外脆內軟，好juicy，醬汁帶少少辣，好惹味。
整體食物質素好高，每樣嘢都好好味，尤其係漢堡真係無得輸，果然係得獎漢堡。
張貼
