佳美去骨海南雞 (已結業)

收左工經過深水埗落去買電話卡，買好哂野，當然要醫下個肚，行下行下比我見到呢間食海南雞飯，見到價錢好平民化，即時走入去，侍應好快安排我哋坐位，位置都好舒服食物選擇不算太多，但係見海南雞飯，同埋有一個炒豬腩片，勁想食。當然要叫海南雞。招牌去骨海南雞配 安格斯牛肉飯 雞好滑，食落去唔會係乾，仲有兩個醬點黎食，增加雞香味。仲有安格斯牛炒過好香，食落正。特色青檸汁燒豬腩片飯 好特別，酸酸辣辣，食落去豬腩片好香口。