加東 (已結業)

朗豪坊想簡單食個晚餐，其實有好多選擇，豐儉由人。行過朗豪坊food Court見到有間應該係新開嘅馬來西亞餐廳。我第一眼就見到海南雞飯決定要試試。雞嘅份量都幾多，俾咗雞上髀我，雞做得幾滑，又有油香。係人都知食海南雞飯個飯都係重點，呢度嘅飯做得唔會太油，唔會食兩啖就覺得油膩，食食下好快就K.O.左一碗。佢調味都有足三款，算係有心誠意。性價比唔錯。