六合小廚 (已結業)

今晚同媽媽去咗尖沙咀嘅六合小廚食飯，佢一間樓上嘅私房菜。海南雞飯$60唔算貴，所以點左一份，然後加$10要咗脾。海南雞的確做得幾好，雖然係凍嘅，但係食落肉幾嫩，而且仲有酸甜嘅味道！今晚嘅飯雖然唔係油飯，但煮得幾鬆軟，食落唔錯！跟餐的例湯係豬骨湯，都幾足料。小菜方面要咗個西蘭花帶子$128同薑蔥鯇魚腩煲$98，呢個價錢唔算平，西蘭花炒得好食，但帶子就炒得略嫌有點過熟><魚腩煲味道唔錯，調味適中，配飯一流！份量足，滿煲都係魚腩，但有幾件炸得有啲過乾。