肉骨皇 (已結業)

早一日買完比朋友，佢醉到無食都食唔到，今日好反就直頭坐低食。午市套餐都幾優惠，點咗海南雞飯，油飯香氣不錯，食落較乾，一粒粒分得太明，直頭有小小未煮透嘅感覺。雞件唔香，似咸雞，肉質偏乾帶點粗鞋。比薑蓉非常合理，但另一邊嘅雞醬係咩嚟？另一個午餐，肉骨茶配飯。同琴日外賣嘅一樣，香但唔濃味，喜歡清香嘅朋友就應該會鐘意，但個人鐘意濃味多啲。堂食就會用個鍋仔一路保持溫度。另外點咗個沙嗲串燒，五分鐘唔使就出嚟嘅炸串燒，肉質油淋淋，都無認真食個肉就比面頭嘅酸沙嗲汁嚇一嚇，唔敢食了。同店家反映完，照收我錢就走了。