合十 (已結業)

有次無意之中SearchAPM附近餐廳而發現呢間新開嘅合十，見到餐廳嘅裝修好有文青Feel就BookMark咗呢間，而今次就有機會同Honey嚟試吓。一嚟到餐廳嘅門外就有種突然變得文青嘅感覺，見到右邊嘅大鞦韆，又有種去咗泰國嘅感覺。職員帶我哋去到外面嘅露天位置，又另一種浪漫感覺。去到點嘢食，職員提供咗一張有QR code嘅單用嚟喺電話落單，好方便之餘仲唔使怕落錯單啦！先點咗兩杯飲品，飲品嘅名都好等別，我點咗杯綠帽子，Honey就點咗杯攞你命三千.粒。我幾鍾意杯綠帽子，蜜瓜味都幾重，而且附有一個蜜瓜味雪糕，雪糕好軟滑，不過職員話用嚟撈落杯嘢飲搞勻佢。而Honey杯攞你命三千粒，飲品主要係桃汁+西柚汁+鳳梨汁，桃味比較濃，仲好多生果粒。另外點咗嘅嘢食包括：- 冬陰功海鮮扁意粉- 巨型豬扒跟薯菜- 桂花焗雞翼冬陰功海鮮扁意粉嘅冬陰功味道好濃，酸酸辣辣都幾開胃。巨型豬扒跟薯菜，塊豬扒真係好巨型，喺未上枱前，職員仲好細心咁講返因為豬扒係慢煮，所以會耐少少，豬扒整到咁軟熟，等耐少少都好值得！桂花焗雞翼一放入口就食到好香嘅桂花味道，香到好似比桂花樹旁邊聞緊咁樣，焗哂雞翼嘅油脂出嚟，個雞皮都好香脆！最