Bellevue Bar and Grill (已結業)

期待已久, 可以晚飯出街食, 真係好開心。今晚黎到Bellevue Bar, 感覺好靚。 除左佢係23樓有高樓景外, 2月佢仲係情人節既裝飾，好有氣氛。侍應比人感覺好有禮, 由入門口到坐底點餐都好周到。本來極力推介叫我地試法國牛扒既, 不過, 最後都係簡返美國西冷, 煎鱈魚柳, 同要左杯house chardonnary 澳洲既。 咁有氣氛更係要飲酒。 杯chardonnary食野前飲係酸酸地, 但食過野後再飲就帶出左酒既甜味。 雖然唔係咩貴酒, 但有少少層次都幾意外。佢先黎餐包, 睇落好細個, 不過真係幾好食。 而且細細個開下胃都ok.然後係煎鱈魚柳。 擺盤唔錯, 件鱈魚都算幾結實, 唔會太油膩。西冷點左5成熟, 黎到其實都差唔多7成, 但尚算ok。 肉質鮮味, 唔好un, 又唔會有好多根。 味道唔錯, 果然牛扒係幾出色。