影片
更多
2018-07-12
1335 瀏覽
喺旺角嘅繁華鬧市之中想搵一間有浪漫情調嘅餐廳黎慶祝週年紀念或者生日， 我個人就非常推介呢間位於彌敦道726號嘅【Sky726】。 呢間餐廳位於大廈最高層， 有180度大玻璃， 可以欣賞旺角鬧市嘅景緻，由日間可以俯瞰高居臨下嘅氣勢， 到黃昏時段可以欣賞到夕陽日落美景，最後可以飽覽到奪目繁榮嘅燈光， 夜色璀璨，確實浪漫。《Very Berry》$78 呢一杯mocktail用上咗多款新鮮嘅莓類， 有士多啤梨、藍莓、紅桑子，可謂果香十足，亦令呢杯cocktail增添紅卜卜嘅色彩。各種新鮮嘅生果非常香甜， 加上用咗非常清新嘅菠蘿梳打，再配上酸到十足嘅鮮檸汁，簡直係清新怡人，令人食慾大增。另外一杯mocktail《Choco Chip》$78，就帶有童話夢幻感覺， 飲落分外甜美。 一口呷下就可以品嘗到濃郁嘅朱古力味，bar tenders 用上特濃朱古力醬、朱古力碎、同埋可可粉打成沙冰，再加上一抹忌廉，再插有朱古力脆條同埋威化餅， 童真返曬嚟。《芝士釀墨西哥辣椒》$108，千祈唔好畀辣椒呢兩個字嚇怕， 因為墨西哥辣椒辣度並唔高，帶有燈籠椒嘅香氣， 裏面樣入芝士， 再泊上薄薄嘅脆漿去炸， 然後炸成
《Very Berry》$78 呢一杯mocktail用上咗多款新鮮嘅莓類， 有士多啤梨、藍莓、紅桑子，可謂果香十足，亦令呢杯cocktail增添紅卜卜嘅色彩。各種新鮮嘅生果非常香甜， 加上用咗非常清新嘅菠蘿梳打，再配上酸到十足嘅鮮檸汁，簡直係清新怡人，令人食慾大增。
另外一杯mocktail《Choco Chip》$78，就帶有童話夢幻感覺， 飲落分外甜美。 一口呷下就可以品嘗到濃郁嘅朱古力味，bar tenders 用上特濃朱古力醬、朱古力碎、同埋可可粉打成沙冰，再加上一抹忌廉，再插有朱古力脆條同埋威化餅， 童真返曬嚟。
《芝士釀墨西哥辣椒》$108，千祈唔好畀辣椒呢兩個字嚇怕， 因為墨西哥辣椒辣度並唔高，帶有燈籠椒嘅香氣， 裏面樣入芝士， 再泊上薄薄嘅脆漿去炸， 然後炸成金黃色。 熱溶嘅芝士一咬落去既可以拉絲，又有流心嘅感覺，點埋酸may may嘅他他醬，中和返炸物嗰份油膩感， 係一到開胃嘅餐前小食。
《野菌黑松露忌廉湯》$88， 呢個野菌黑松露忌廉湯可謂真材實料， 用咗各款新鮮嘅菇菌打製而成，菌味香濃， 由於加入咗忌廉， 入口就更加香滑， 加上一抹黑松露醬，令味道升級。
《椰菜花薯仔湯》$68， 呢個湯看似比較平實，但味道簡單得黎卻令人回味， 呢個湯質感細滑， 品嘗之下可以飲到椰菜花嘅香氣， 而且加入咗薯仔蓉， 令口感更為豐富。
黎到主菜《慢煮黑毛豬鞍扒配意大利黑醋汁及牛肝菌醬》$338， 大廚用上西班牙伊比利亞黑毛豬鞍， 伊比利亞黑毛豬出名脂肪分佈平均，肉質嫩滑，入口油脂豐富， 味道甘香，一點都唔羶。
將豬鞍切開之後可以見到肉質呈現鮮嫩嘅粉紅色，由於用咗慢煮方式烹調，豬鞍能保持極致嫩滑，而且亦能鎖住肉汁，令每一都口感juicy。
豬鞍外層煎得金黃香脆，既能鎖住肉汁，亦令油脂爆發，味道更加甘香。
最後係一道大家都鍾意嘅甜品《72% 朱古力心太軟》$88， 呢個心太軟用咗72%嘅特濃朱古力去做，一切開，朱古力醬就如岩漿一樣湧出來，用特濃朱古力去整心太軟，既唔會太甘苦，亦可以品嚐到濃濃嘅朱古力味， 而且甜度拿捏得相當之好， 配埋雲呢拿雪糕，一凍一熱嘅感覺帶來味覺上的衝擊。
呢間餐廳吸引咗唔少顧客來慶祝週年紀念或者生日， 皆因環境氣氛相當浪漫，加上有各式各樣，美輪美奐嘅cocktails， 係少少酒精催化之下，倍添浪漫。未成年嘅朋友亦可以試下呢度嘅特色mocktail，又靚又能呃下like，打卡必備。
張貼
