影片
更多
2019-03-15
38 瀏覽
今晚約咗個好耐無見的朋友食晚餐，大家都一約而同地揀食日本野，見到呢間尖沙咀的漁穫浜燒係新開，地點又方便，就打電話黎訂位食。餐廳環境富有日式風格，用上淺黃色的木色裝修，中間有多張長檯，同兩間包廂房，係聚會聊天的好地方。一坐低就叫咗枝清酒，天祿光臨，300ml,$268,冰凍可口，酒味香醇，易入口，帶有淡淡花香味。沖繩風沙律，$138,用上沖繩的多種特產，有海葡萄，苦瓜等，海葡萄味道鮮甜爽脆，份量多，苦瓜味道鮮而苦澀，苦瓜好濃郁，配上多種新鮮刺身，如油甘魚，八爪魚等，味道層次豐富。池魚刺身，$298,賣相好靚好吸引，係原條築地直送的池魚，師傅刀功技術高，切得晶瑩薄切，點醋汁食味道好夾，魚肉煙韌彈牙，有口感。活貝漁穫浜燒盛合，$698,我地加$100將帆立轉成活帆立貝，盛合包括仲有珍寶大蝦，松葉蟹腳，鮑魚，蠔等，份量十分多，鮑魚一上枱依然係會郁的，味道鮮甜彈牙，肉質嫩滑。職員會好貼心地在檯邊幫我地燒好啲海鮮，即食味道鮮甜，特別係松葉蟹腳，燒的時候散發陣陣香濃的蟹味，入口清甜。清酒燒活帆立貝，肉質厚身多肉，燒得剛好熟，嫩滑清甜，吸收晒清酒的清甜。燒白鰻，$138, 鰻魚切得大塊，厚身嫩滑，醬汁
餐廳環境富有日式風格，用上淺黃色的木色裝修，中間有多張長檯，同兩間包廂房，係聚會聊天的好地方。
一坐低就叫咗枝清酒，天祿光臨，300ml,$268,冰凍可口，酒味香醇，易入口，帶有淡淡花香味。
沖繩風沙律，$138,用上沖繩的多種特產，有海葡萄，苦瓜等，海葡萄味道鮮甜爽脆，份量多，苦瓜味道鮮而苦澀，苦瓜好濃郁，配上多種新鮮刺身，如油甘魚，八爪魚等，味道層次豐富。
池魚刺身，$298,賣相好靚好吸引，係原條築地直送的池魚，師傅刀功技術高，切得晶瑩薄切，點醋汁食味道好夾，魚肉煙韌彈牙，有口感。
活貝漁穫浜燒盛合，$698,我地加$100將帆立轉成活帆立貝，盛合包括仲有珍寶大蝦，松葉蟹腳，鮑魚，蠔等，份量十分多，鮑魚一上枱依然係會郁的，味道鮮甜彈牙，肉質嫩滑。職員會好貼心地在檯邊幫我地燒好啲海鮮，即食味道鮮甜，特別係松葉蟹腳，燒的時候散發陣陣香濃的蟹味，入口清甜。
清酒燒活帆立貝，肉質厚身多肉，燒得剛好熟，嫩滑清甜，吸收晒清酒的清甜。
燒白鰻，$138, 鰻魚切得大塊，厚身嫩滑，醬汁濃味香甜，燒得皮脆肉滑，入口即溶。
香煎蒜片厚切牛舌，$98, 牛舌燒得剛好熟，肉質香甜嫩滑，牛肉味濃郁。
甜品我地叫咗柚子雪葩同椰子雪糕，兩個都係餐廳的招牌甜品，雪葩口感較清甜爽滑，柚子味香濃，椰子雪糕奶滑香甜。
張貼
