影片
更多
2022-09-25
38 瀏覽
星期日冇野做，緊係又係去食好西既時候喇，本來路人甲話帶我去食茶記，但點知冇開到，所以我就去左食韓國野喇～去到門口，明明已經2點半，但入面都重係咁多人，所以我地都等左1陣先有得入座。入到去，見到好多好多人，真係滿曬，裝修因為係用韓國既澡堂黎做主題，所以都有d花灑又或者浴堂作為俾客人食野之用，所以感覺都幾得意～睇完咁多，當然要叫野食啦，我地今日叫左：⁃ 雪花芝士炸雞(半份)⁃ 泡菜豚肉拌飯 (加雞蛋)⁃ 鮮奶咖啡(凍)⁃ 西柚梳打(少甜)首先黎既係2杯飲品，對於我黎講，呢到既飲品唔止講究好唔好飲，係連個杯都會襯埋色俾你，就好似西柚梳打，1黎到我已經bing bing，隻杯真係襯到1定要黎打卡～講返野飲先，鮮奶咖啡就普普通通，不過不失啦。而西柚梳打因為叫左少甜關係，所以唔係太甜，西柚味我覺得唔係太重，但總體唔算差～跟住先黎既係雪花芝士炸雞，食落口，唔算太多油，但雞係多汁的，我覺得好好食～如果黎食炸雞可以叫多d，因為份量唔算多，我地細食，所以先叫左半份淺嘗～最後黎既泡菜豚肉拌飯，我再加左隻雞蛋，因為好鍾意拎蛋撈飯食，飯唔算好大個，非常足料，豚肉算滑，嫌佢唔夠醬，所以都拎多左少少醬食，如
去到門口，明明已經2點半，但入面都重係咁多人，所以我地都等左1陣先有得入座。入到去，見到好多好多人，真係滿曬，裝修因為係用韓國既澡堂黎做主題，所以都有d花灑又或者浴堂作為俾客人食野之用，所以感覺都幾得意～
睇完咁多，當然要叫野食啦，我地今日叫左：
⁃ 雪花芝士炸雞(半份)
⁃ 泡菜豚肉拌飯 (加雞蛋)
⁃ 鮮奶咖啡(凍)
⁃ 西柚梳打(少甜)
首先黎既係2杯飲品，對於我黎講，呢到既飲品唔止講究好唔好飲，係連個杯都會襯埋色俾你，就好似西柚梳打，1黎到我已經bing bing，隻杯真係襯到1定要黎打卡～
講返野飲先，鮮奶咖啡就普普通通，不過不失啦。而西柚梳打因為叫左少甜關係，所以唔係太甜，西柚味我覺得唔係太重，但總體唔算差～
跟住先黎既係雪花芝士炸雞，食落口，唔算太多油，但雞係多汁的，我覺得好好食～如果黎食炸雞可以叫多d，因為份量唔算多，我地細食，所以先叫左半份淺嘗～
最後黎既泡菜豚肉拌飯，我再加左隻雞蛋，因為好鍾意拎蛋撈飯食，飯唔算好大個，非常足料，豚肉算滑，嫌佢唔夠醬，所以都拎多左少少醬食，如果1個人食應該係岩岩好～
總結: 我由門口未行入去，已經覺得裝修好特別，因為我完全冇睇過任何資料黎食 (好似抽盲盒咁)，所以件事好新鮮，食物可能未必好大份，但仍然可以滿足所有要求，飲品真係好靚，連我唔係好鍾意打卡既人，都唔覺意打左2張，所以對於我黎講食物ok，飲品靚靚，打卡勝地咁濟，經過可以入去坐坐打過卡呀～
題外話/補充資料：
黎既時候，我見到1個澡堂既位置係可以俾毛孩入去，見到係1人1毛孩既位，有興趣既話，可以帶毛孩黎呀(不過最好都係打電話穩陣d)
(以上食評乃用戶個人意見 , 並不代表OpenRice之觀點。)
張貼
