泰好餸 (已結業)

今日去大角咀探朋友，朋友話帶左我去佢屋企附近試下泰式三餸飯。餐廳裝修都幾有特色，掛咗泰式嘅油畫，充滿泰式風。三餸飯都幾多選擇，十多款餸菜可以揀，賣相都唔錯我地點左個泰式三餸飯，揀左黃咖哩雞、馬拉盞炒通菜同炸魚。三餸飯賣相都唔錯，黃咖哩辣度溫和，唔會過辣，口味偏甜；馬拉盞炒通菜夠鑊氣，味道夠濃夠惹味而且菜唔會老；炸魚唔會厚粉或油膩，都幾香脆。泰式鳳爪- 酸辣開胃，食落夠晒爽脆，啱晒呢啲天氣食。泰式炒貴刁 - 份量夠好足料，有蝦、蛋、花生碎等，食落香辣惹味，味道層次豐富。 西米露同紫米露- 香濃順滑，唔會太甜，甜度剛剛好。椰青- 食完熱辣嘢當然要飲返d野，椰青水解渴消暑，食埋椰肉就更加滿足。