泰道 (已結業)

平時我想食泰菜，第一時間就會諗起九龍城，因為佢係個有「小泰國」之稱既泰菜集中營，但係我個朋友今晚就車左我入西貢，帶左我去一個可以用世外桃園黎形容既泰國餐廳。如果唔係揸車入去，就要比較轉折，需要搭車去到西貢碼頭再行大概20分鐘既路程。呢度地方好大，餐廳最外邊有個指示牌指出左面有個免費停車場，右面就係個餐廳入口。餐廳分左室外同室內，雖然話係室外，但係都係有瓦遮頭既，環境浪漫又好view，可以一路食住泰菜，一邊吹吹海風。Menu呢度比平時既泰國餐廳有更多選擇，由沙律前菜到主菜、海鮮、咖喱、串燒、炒飯麵、甜品等等...有超過百款食物小食拼盤（細）$148呢個小食拼盤有香葉雞中翼、魚餅、蝦餅、素春卷，份量都算大份。魚餅同蝦餅食落爽口彈牙，至於春卷就香口鬆脆燒豬頸肉沙律$138呢個沙律足料又fresh，越食越開胃馬莎文咖喱牛坑腩（配薄餅）$178呢個咖喱唔辣仲甜甜地既，味道濃郁有香滑，而個牛坑腩就超入味又軟淋，肉質嫩滑，配個香口唔肥膩既薄餅，簡直係泰式蝦肉炒金邊粉$128呢個金邊粉份量適中，味道清新，食落乾爽入味