更多
2020-05-02
1226 瀏覽
如果講到實而不華嘅泰菜,我第一時間諗起旺角嘅泰廚 泰國菜館,以前會有泰國阿姨企喺門口燒串燒,香噴噴吸引到好多食客。最近食肆好少要排隊,呢間就例外啦!要喺門外等位你就知幾咁受歡迎啦!貨真價實,泰國風味濃厚,值得推介!$1任選一款泰式木瓜沙律店員一坐低就介紹我哋每日一特價,同埋惠顧滿$200就可以 $1任選一款特價菜色,天氣熱辣辣最好就係食泰式木瓜沙律,木瓜沙律爽口清新,酸酸甜甜而且辣味夠醒胃。泰式小食拼盤 $85泰式小食拼盤 款式選擇多,有最受歡迎大大件炸蝦餅,肉厚彈牙爽口,食得出蝦肉的鮮甜。好少拼盤會食到嘅炸蝦片,香脆可口。泰式炸魚餅,特別在他的香草味和魚的鮮味。炸春卷、雞肉沙嗲串,食到心花怒放,而且份量一啲都唔細,唔使$100嘅價錢係我食過最抵嘅,而且仲要真心好味喎!老公都讚不絕口!泰燒和牛串 $20和牛串入口肉質柔軟,肉汁豐富,牛肉味道濃郁,泰燒秘製醬汁好惹味。泰國正宗沙嗲 $12仲有串燒豬 $12 真係沒有不吃的理由,配埋沙嗲醬真係Yummy!串燒沙嗲 司華力腸 $12珍寶腸真係好大條,熱狗都唔夠佢大呀!入口啖啖肉,沾上霹靂無敵好味沙嗲汁,$12 我滿意度十分高。泰式香茅雞翼 $
最近食肆好少要排隊,呢間就例外啦!要喺門外等位你就知幾咁受歡迎啦!貨真價實,泰國風味濃厚,值得推介!
$1任選一款
泰式木瓜沙律
店員一坐低就介紹我哋每日一特價,同埋惠顧滿$200就可以 $1任選一款特價菜色,天氣熱辣辣最好就係食泰式木瓜沙律,木瓜沙律爽口清新,酸酸甜甜而且辣味夠醒胃。
泰式小食拼盤 $85
泰式小食拼盤 款式選擇多,有最受歡迎大大件炸蝦餅,肉厚彈牙爽口,食得出蝦肉的鮮甜。好少拼盤會食到嘅炸蝦片,香脆可口。泰式炸魚餅,特別在他的香草味和魚的鮮味。炸春卷、雞肉沙嗲串,食到心花怒放,而且份量一啲都唔細,唔使$100嘅價錢係我食過最抵嘅,而且仲要真心好味喎!老公都讚不絕口!
泰燒和牛串 $20
和牛串入口肉質柔軟,肉汁豐富,牛肉味道濃郁,泰燒秘製醬汁好惹味。
泰國正宗沙嗲 $12
仲有串燒豬 $12 真係沒有不吃的理由,配埋沙嗲醬真係Yummy!
串燒沙嗲 司華力腸 $12
珍寶腸真係好大條,熱狗都唔夠佢大呀!入口啖啖肉,沾上霹靂無敵好味沙嗲汁,$12 我滿意度十分高。
泰式香茅雞翼 $15
又真係幾好食喎!泰式香茅氣味清新,雞翼皮脆肉滑又多汁。
泰式香茅豬扒湯河 $55
香茅豬扒我覺得係食泰菜必定要點嘅,大大塊,肥瘦均勻有啲脂肪,入口更加肥美多汁,肉汁豐富。湯底濃郁,河粉滑溜。
泰式炒金邊粉 $68
終極一吃泰式炒金邊粉,見到呢個紅色就知道正宗啦!Pad Thai 配菜有蝦鮮味可口,炒金邊粉夠 Q彈。豐富的配料青檸、韭菜、荳芽、花生碎和乾辣椒,酸辣開胃。
凍咖啡 $14
最後忍唔住叫咗杯泰式凍咖啡,香濃風味依然。
張貼